ന്യൂഡല്ഹി: അദാനി എന്റര്പ്രൈസ് , അദാനി പോര്ട്ട്സ് കമ്പനികളില് നിക്ഷേപിക്കുന്നത് എംപ്ലോയീസ് പ്രൊവിഡന്റ് ഫണ്ട് ഓര്ഗനൈസേഷന് (ഇപിഎഫ്ഒ) തുടരുന്നു. നിയന്ത്രിത സ്ഥാപനമായ സെന്ട്രല് ബോര്ഡ് ഓഫ് ട്രസ്റ്റീസ് നിര്ദ്ദേശിക്കുന്നത് വരെ ഇപിഎഫ്ഒ അദാനി ഓഹരികളില് നിക്ഷേപം തുടര്ന്നേയ്ക്കും. ട്രസ്റ്റീസിന്റെ ദ്വിദിന യോഗം ഇപ്പോള് നടന്ന് വരികയാണ്.
മുതിര്ന്ന പൗരന്മാരുടെ സമ്പാദ്യം കൈകാര്യം ചെയ്യുന്ന സ്ഥാപനമാണ് ഇപിഎഫ്ഒ. ഇവര് സെന്സെക്സിനെയും നിഫ്റ്റിയേയും ട്രാക്ക് ചെയ്യുകയും നിക്ഷേപം നടത്തുകയും ചെയ്യുന്നു. ദ ഹിന്ദു റിപ്പോര്ട്ട് പ്രകാരം, ഇപിഫ്ഒ അതിന്റെ കോര്പ്പസിന്റെ 15 ശതമാനം എക്സ്ചേഞ്ച്-ട്രേഡഡ് ഫണ്ടുകളിലാണ് നിക്ഷേപിക്കുന്നത്.
2022 മാര്ച്ച് വരെ ഇവരുടെ ഇടിഎഫ് എക്സ്പോഷ്വര് 1.57 ലക്ഷം കോടി രൂപയാണ്.2023 സാമ്പത്തിക വര്ഷത്തില് 8,000 കോടി രൂപ കൂടി നിക്ഷേപിക്കാന് തയ്യാറായി.യുഎസ് ഷോര്ട്ട് സെല്ലറായ ഹിന്ഡന്ബര്ഗ് റിപ്പോര്ട്ടിനെ തുടര്ന്ന് അദാനി ഓഹരികള് കൂപ്പുകുത്തിയിരുന്നു.
മാര്ച്ച് 27 ന് ദി ഹിന്ദുവിലെ ഒരു റിപ്പോര്ട്ട് അനുസരിച്ച്, ഓഹരികള് തകര്ന്നതിന് ശേഷവും ഇപിഎഫ്ഒ ഇരു കമ്പനി ഓഹരികളിലും നിക്ഷേപം തുടരുകയാണ്.
