ബാംഗ്ലൂർ: കുട്ടികൾക്കായുള്ള എഡ്ടെക് പ്ലാറ്റ്ഫോമായ ക്രിയേറ്റീവ് ഗലീലിയോ കളരി ക്യാപിറ്റൽ ഉൾപ്പെടെയുള്ള ഒരു കൂട്ടം നിക്ഷേപകരിൽ നിന്ന് 7.5 മില്യൺ ഡോളർ (ഏകദേശം 60 കോടി രൂപ) സമാഹരിച്ചതായി കമ്പനി അറിയിച്ചു. അഫിർമ ക്യാപിറ്റൽ, ഈസ്റ്റ് വെഞ്ചേഴ്സ്, വാലിയന്റ് എംപ്ലോയി ഇൻവെസ്റ്റ്മെന്റ് ഫണ്ട്, ഏഞ്ചൽ നിക്ഷേപകർ എന്നിവരും ഈ ഫണ്ടിംഗിൽ പങ്കെടുത്തു. ഇതോടെ ക്രിയേറ്റീവ് ഗലീലിയോയുടെ മൊത്തം ഫണ്ടിംഗ് 10 മില്യൺ ഡോളറിലെത്തി. കമ്പനിയുടെ നിലവിലെ മൂല്യം 40 മില്യൺ ഡോളറാണ്. 2020 ജൂലൈയിൽ സ്ഥാപിതമായ ക്രിയേറ്റീവ് ഗലീലിയോക്ക് 7 ദശലക്ഷത്തിലധികം ഡൗൺലോഡുകൾ ഉണ്ടെന്ന് അവകാശപ്പെടുന്നു.
സ്കെയിൽ വർദ്ധിപ്പിക്കാനും ഒന്നിലധികം ഭൂമിശാസ്ത്രങ്ങളിലുള്ള ടീമുകളിലുടനീളം നിയമനം ത്വരിതപ്പെടുത്താനും പ്രാദേശിക ഭാഷകൾ അവതരിപ്പിക്കാനും പ്ലാറ്റ്ഫോമിന്റെ ഗവേഷണ വികസനം കൂടുതൽ ശക്തിപ്പെടുത്താനും കമ്പനി ഈ ഫണ്ട് ഉപയോഗിക്കും. കുട്ടികളുടെ പഠനയാത്ര കൂടുതൽ വ്യക്തിപരമാക്കുന്നതിനായി എഡ്ടെക് സ്ഥാപനം പുതിയ ഉൽപ്പന്നങ്ങൾ പുറത്തിറക്കാൻ പദ്ധതിയിടുന്നു. ക്രിയേറ്റീവ് ഗലീലിയോ 3-10 വയസ് പ്രായമുള്ള കുട്ടികൾക്കായുള്ള ഒരു കഥാപാത്രത്തെ അടിസ്ഥാനമാക്കിയുള്ള ആദ്യകാല പഠന പ്ലാറ്റ്ഫോമാണ്. ഈ പ്ലാറ്റഫോമിൽ കമ്പനി പ്രശസ്ത പ്രാദേശിക സൂപ്പർഹീറോ കാർട്ടൂൺ കഥാപാത്രങ്ങളെയാണ് ഉപയോഗിക്കുന്നത്. ഒരു വർഷത്തിനുള്ളിൽ ടീമുകളെ ഇരട്ടിയാക്കാനാണ് കമ്പനി ലക്ഷ്യമിടുന്നത്.
ഇന്ത്യയിൽ ഹിന്ദിക്ക് പുറമെ മറാഠി, തമിഴ്, തെലുങ്ക് ഭാഷകളിൽ ആറുമാസത്തിനുള്ളിൽ ഉള്ളടക്കം ലഭ്യമാക്കാൻ കമ്പനി പദ്ധതിയിടുന്നു.
