- തിരഞ്ഞെടുപ്പ് നടക്കുക ഒറ്റഘട്ടമായി
- ഫലപ്രഖ്യാപനം മെയ് 4ന്
ന്യൂഡൽഹി: കേരളം അടക്കം 4 സംസ്ഥാനങ്ങളിലെയും കേന്ദ്രഭരണ പ്രദേശമായ പുതുച്ചേരിയിലെയും തെരഞ്ഞെടുപ്പ് തീയതി പ്രഖ്യാപിച്ചു. കേരളത്തിൽ ഒറ്റ ഘട്ടമായിട്ടാണ് തെരഞ്ഞെടുപ്പ് നടക്കുക. കേരളത്തിൽ ഏപ്രിൽ 9 വോട്ടെടുപ്പ് നടക്കും.
വോട്ടെണ്ണലും ഫലപ്രഖ്യാപനവും മെയ് 4 നായിരിക്കും. കേന്ദ്ര തെരഞ്ഞെടുപ്പ് കമ്മീഷനാണ് വാര്‍ത്താസമ്മേളനം വിളിച്ച് തെരഞ്ഞെടുപ്പ് തിയതി പ്രഖ്യാപിച്ചത്. തെരഞ്ഞെടുപ്പ് തീയതി പ്രഖ്യാപിച്ചതിനാൽ പെരുമാറ്റച്ചട്ടം നിലവിൽ വന്നതായി കമ്മീഷൻ വ്യക്തമാക്കി.
സംസ്ഥാനത്ത് എസ്ഐആറിനുശേഷം മാർച്ച് 13 വരെയുള്ള കണക്ക് പ്രകാരം 2,71,11,856 പേരാണ് ആകെ വോട്ടര്‍മാരായുള്ളത്. ഇനിയും വോട്ടര്‍പട്ടികയിൽ പേരുചേര്‍ക്കാൻ അവസരമുണ്ട്. തെരഞ്ഞെടുപ്പ് പ്രഖ്യാപിച്ചതോടെ കേരളമടക്കമുള്ള സംസ്ഥാനങ്ങൾ ഇനി വാശിയേറിയ പോരാട്ടത്തിനാകും സാക്ഷ്യം വഹിക്കുക.
കേരളം ബൂത്തിലെത്തുമ്പോൾ
- ആകെ വോട്ടർമാർ 2,71,11,856 (മാർച്ച് 13 വരെ)
- സ്ത്രീ വോട്ടർമാർ 1.38 കോടിയിലധികം
- പുരുഷ വോട്ടർമാർ 1.32 കോടിയിലധികം
- ഭിന്നലിംഗ വോട്ടർമാർ 227
- 18-19 വയസ്സിന് ഇടയിലുളളവർ 4,24,518
- ആകെ പോളിങ് ബൂത്തുകൾ 30,471
- കൂടിയ പോളിങ് ബൂത്തുകൾ 5034
- വോട്ടെണ്ണൽ കേന്ദ്രങ്ങൾ 41
