മുംബൈ: ഇന്ത്യന് ഓഹരി വിപണിയ്ക്ക് വ്യാഴാഴ്ച നഷ്ടത്തോടെ തുടക്കം. സെന്സെക്സ് 118.73 പോയിന്റ് അഥവാ 0.14 ശതമാനം ഇടിഞ്ഞ് 83417.35 ലെവലിലും നിഫ്റ്റി 40.80 പോയിന്റ് അഥവാ 0.16 ശതമാനം ഇടിഞ്ഞ് 25435.30 ലെവലിലുമാണ് വ്യാപാരത്തിലുള്ളത്. 1791 ഓഹരികള് മുന്നേറുമ്പോള് 1256 ഓഹരികള് ഇടിവ് നേരിടുന്നു.
150 ഓഹരികളുടെ വിലയില് മാറ്റമില്ല. ടാറ്റ സ്റ്റീല്, ശ്രീരാം ഫിനാന്സ്, പവര്ഗ്രിഡ് കോര്പറേഷന്, ആക്സിസ് ബാങ്ക്, ബജാജ് ഫിനാന്സ് എന്നീ ഓഹരികളാണ് നേട്ടത്തില് മുന്നില്. ഡോ റെഡ്ഡീസ് ലാബ്സ്, വിപ്രോ, സിപ്ല,ടാറ്റ മോട്ടോഴ്സ്, ടിസിഎസ് എന്നിവ കനത്ത നഷ്ടം നേരിട്ടു.
ബിഎസ്ഇ സ്മോള്ക്യാപ്, മിഡ്ക്യാപ് സൂചികകള് നേട്ടത്തിലാണ്. സെക്ടറല് സൂചികകളില് ഐടി 0.5 ശതമാനം ഇടിവ് നേരിടുമ്പോള് ലോഹം, റിയാലിറ്റി എന്നിവ 0.5 ശതമാനം ഉയര്ന്നു.
