ഇന്ത്യയുടെ വളർച്ച ഏഴ് ശതമാനത്തിലേക്ക് ഉയരുമെന്ന് ഐഎംഎഫ്ഇന്ത്യയിൽ നിന്നുള്ള സ്വർണ, വജ്ര കയറ്റുമതിയിൽ ഇടിവ്ക്രൂഡ് ഓയിൽ വില ഉയർന്നു നിൽക്കുന്നതിനിടെ ഇന്ത്യ വിൻഡ്ഫാൾ നികുതി വർധിപ്പിച്ചുഐടി രംഗത്ത് അരലക്ഷത്തോളം പുതിയ തൊഴിലവസരങ്ങൾ ഒരുങ്ങുന്നുഅടുത്ത 4 വർഷത്തിനുള്ളിൽ എസി വിൽപന ഇരട്ടിയായേക്കും

ഇന്ത്യൻ റെയിൽവേ പൂർണമായി വൈദ്യുതീകരിക്കുന്നു

ന്യൂഡൽഹി: ലോകത്തെ ഏറ്റവും വലിയ ഗ്രീൻ നെറ്റ്‍വർക്ക് ആകാൻ ഒരുങ്ങുകയാണ് ഇന്ത്യൻ റെയിൽവേ. റെയിൽവേയുടെ പൂർണമായ വൈദ്യുതീകരണത്തിന് വഴിയൊരുങ്ങുന്നു.

ഇടക്കാല ബജറ്റിൽ വകയിരുത്തിയ 6,500 കോടി രൂപയുടെ ഫണ്ട് ഉപയോഗിച്ച് റെയിൽവേ സമ്പൂർണ വൈദ്യുതീകരണത്തിന് ഒരുങ്ങുകയാണ്. 2027-28 ഓടെ കാർബൺ പുറന്തള്ളൽ ഗണ്യമായി കുറയ്ക്കാൻ ലക്ഷ്യമിട്ടുള്ളതാണ് നീക്കം.

വൈദ്യുതീകരണം പൂർത്തിയാകുന്നതോടെ റെയിൽവേ ലോകത്തെ തന്നെ ഏറ്റവും വലിയ ഗ്രീൻ റെയിൽവേ ആയി മാറും.

അടുത്ത ഏതാനും മാസങ്ങൾക്കുള്ളിൽ റെയിൽവേ ബ്രോഡ്ഗേജ് ശൃംഖലയുടെ 100 ശതമാനം വൈദ്യുതീകരിക്കുമെന്നാണ് റിപ്പോർട്ടുകൾ.

ഇടക്കാല ബജറ്റിൽ റെയിൽവേയുടെ വൈദ്യുതീകരണ പദ്ധതികൾക്കായി 6500 കോടി രൂപ വകയിരുത്തിയിട്ടുണ്ട്. വൈദ്യുതി എത്താതിരുന്ന ഇന്ത്യയിലെ പല പ്രദേശങ്ങളും ഇപ്പോൾ 100 ശതമാനം വൈദ്യുതീകരിച്ചിട്ടുണ്ട്.

2014 മുതൽ 46,425 കോടി രൂപയാണ് വൈദ്യുതീകരണത്തിനായി റെയിൽവേ ചെലവഴിച്ചുത്. ഡീസൽ ലോക്കോമോട്ടീവുകൾ മാറ്റി പകരം ഇലക്ട്രിക് എഞ്ചിനുകൾ സ്ഥാപിക്കാൻ കുറച്ച് സമയമെടുക്കും.

2023 ഡിസംബർ വരെ 10,238 ഇലക്ട്രിക് ലോക്കോമോട്ടീവുകളാണ് റെയിൽവേക്കുള്ളത്. ഡീസൽ ലോക്കോമോട്ടീവുകൾ 4,543 എണ്ണം ഉണ്ട്.

2023-24ൽ റെയിൽവേ 7,188 കിലോമീറ്റർ റെയിൽ ശൃംഖല വൈദ്യുതീകരിച്ചു. കഴിഞ്ഞ വർഷം വൈദ്യുതീകരിച്ച പാതകളിൽ അഹമ്മദാബാദ്-രാജ്‌കോട്ട്-ഓഖ, ബെംഗളൂരു-തൽഗുപ്പ, ഭട്ടിൻഡ-ഫിറോസ്പൂർ-ജലന്ധർ എന്നിവ ഉൾപ്പെടുന്നു.

പൂർണ വൈദ്യുതീകരണം വരുന്നതോടെ 2027-28ൽ കാർബൺ ബഹിർഗമനം 24 ശതമാനം വരെ കുറയ്ക്കാൻ സാധ്യതയുണ്ട്.

ഒരു ദശാബ്ദം മുമ്പുള്ളതിനേക്കാൾ ഒമ്പത് മടങ്ങ് വേഗത്തിൽ ആണ് ഇപ്പോൾ റെയിൽവേയുടെ വൈദ്യുതീകരണംഎന്ന് അധികൃതർ പറയുന്നു.

റെയിൽ വൈദ്യുതീകരണത്തിൽ യൂറോപ്യൻ യൂണിയൻ, യുകെ, യുഎസ് എന്നിവയേക്കാൾ ഏറെ മുന്നിലാണ് ഇന്ത്യ.

എനർജി മോണിറ്ററിൻ്റെയും ഇന്ത്യൻ റെയിൽവേയുടെയും കണക്കുകൾ പ്രകാരം, റെയിൽവേയുടെ 95 ശതമാനം ഇപ്പോൾ വൈദ്യുതീകരിച്ചിട്ടുണ്ട്.

X
Top