ഇന്ത്യയുടെ വളര്‍ച്ചാ അനുമാനം നിലനിര്‍ത്തി എസ്ആന്റ്പി റേറ്റിംഗ്‌സ്ജൂണ്‍ പാദ ബാങ്ക്‌ വായ്പാ വളര്‍ച്ച 14 ശതമാനമായി ഉയര്‍ന്നുവീണ്ടും റെക്കോര്‍ഡ് താഴ്ച, ഡോളറിനെതിരെ 81.55 ല്‍ രൂപഉത്സവ സീസണിലെ വൈദ്യുതി ഉത്പാദനം: കല്‍ക്കരി ശേഖരം മതിയായ തോതിലെന്ന് സര്‍ക്കാര്‍വിദേശനാണ്യ കരുതൽ ശേഖരം രണ്ട് വർഷത്തെ ഏറ്റവും താഴ്ന്ന നിലയിൽ

സിസ്‌കോയുമായി സഹകരണം പ്രഖ്യാപിച്ച് വിപ്രോ

മുംബൈ: ഉപഭോക്താക്കൾക്കായി ക്ലൗഡ് പരിവർത്തനം ത്വരിതപ്പെടുത്തുന്നതിന് സിസ്‌കോയുമായി സഹകരിച്ചതായി ഐടി പ്രമുഖരായ വിപ്രോ അറിയിച്ചു. പങ്കാളിത്തം തങ്ങളുടെ ഉപഭോക്താക്കൾക്ക് പൂർണ്ണ ഓട്ടോമേറ്റഡ് ഹൈബ്രിഡ്-ക്ലൗഡ് സ്റ്റാക്ക് നൽകുന്നതിനും നടപ്പിലാക്കൽ സമയം കുറയ്ക്കുന്നതിനും ഉപയോക്തൃ അനുഭവം വർദ്ധിപ്പിക്കുന്നതിനും സഹായിക്കുമെന്ന് ഐടി കമ്പനി അറിയിച്ചു.

എഡ്ജ്, പ്രൈവറ്റ്, പബ്ലിക് ക്ലൗഡുകളെ ഒരുമിച്ച് കൊണ്ടുവരാൻ വിപ്രോയും സിസ്‌കോയും സഹകരിച്ച് പ്രവർത്തിക്കും. കൂടാതെ സഹകരണം ആപ്പ്ഡൈനാമിക്‌സ്, സിസ്‌കോ വർക്ക്ലോഡ് ഒപ്റ്റിമൈസഷൻ മാനേജർ (CWOM), ഇന്റർസൈറ്റ് എന്നിവയുൾപ്പെടെ സിസ്കോയുടെ ഫുൾ സ്റ്റാക്ക് ഒബ്സർവബിലിറ്റി സൊല്യൂഷനിൽ ഉടനീളം ഫുൾ-സ്റ്റാക്ക് ഐടി സർവീസ് പ്ലാറ്റ്ഫോം സാങ്കേതികവിദ്യ പ്രയോജനപ്പെടുത്തും.

പ്ലാറ്റ്‌ഫോം സംരംഭങ്ങൾക്ക് അവരുടെ നെറ്റ്‌വർക്ക് ഇൻഫ്രാസ്ട്രക്ചർ, ഹൈബ്രിഡ് ക്ലൗഡ്, സെക്യൂരിറ്റി, ആപ്ലിക്കേഷനുകൾ എന്നിവയ്ക്കായി സംയോജിതവും പൂർണ്ണമായി കൈകാര്യം ചെയ്യപ്പെടുന്നതുമായ സേവനങ്ങളുടെ ഒരു നിര വാഗ്ദാനം ചെയ്യുമെന്നും. തത്സമയ സ്ഥിതിവിവരക്കണക്കുകൾ നൽകിക്കൊണ്ട് കാര്യമായ പ്രകടന ഒപ്റ്റിമൈസേഷൻ നൽകുമെന്നും കമ്പനി അറിയിച്ചു.

ഒരു പ്രമുഖ ആഗോള ഐടി കൺസൾട്ടിംഗ്, ബിസിനസ് പ്രോസസ് സർവീസ് കമ്പനിയാണ് വിപ്രോ. കഴിഞ്ഞ പാദത്തിൽ കമ്പനിയുടെ ഏകീകൃത അറ്റാദായം 16.96 ശതമാനം ഇടിഞ്ഞ് 2,563.6 കോടി രൂപയായി കുറഞ്ഞിരുന്നു. ബിഎസ്ഇയിൽ വിപ്രോയുടെ ഓഹരികൾ 0.50 ശതമാനം ഇടിഞ്ഞ് 405.75 രൂപയിലാണ് വ്യാപാരം അവസാനിപ്പിച്ചത്.

X
Top