ബാംഗ്ലൂര് ആസ്ഥാനമായി പ്രവര്ത്തിക്കുന്ന യൂണിമെക് ഏയ്റോസ്പെയ്സ് ആന്റ് മാനുഫാക്ചറിംഗ് ലിമിറ്റഡിന്റെ ഇനീഷ്യല് പബ്ലിക് ഓഫര് (ഐപിഒ) ഡിസംബര് 23 ന് തുടങ്ങും. 582 കോടി രൂപയാണ് ഐപിഒ വഴി കമ്പനി സമാഹരിക്കുന്നത്.
ഡിസംബര് 26 വരെ ഈ ഐപിഒ സബ്സ്ക്രൈബ് ചെയ്യാം. 745-785 രൂപയാണ് ഇഷ്യു വില. 19 ഓഹരികള് ഉള്പ്പെട്ടതാണ് ഒരു ലോട്ട്. ഡിസംബര് 31ന് യൂണിമെക് ഏയ്റോസ്പെയ്സിന്റെ ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
500 കോടി രൂപയുടെ പുതിയ ഓഹരികളുടെ വില്പ്പനയും 82 കോടി രൂപയുടെ ഓഫര് ഫോര് സെയിലും (ഒഎഫ്എസ്) ഉള്പ്പെട്ടതാണ് ഐപിഒ.
ഒഎഫ്എസ് വഴി നിലവിലുള്ള ഓഹരികളാണ് വിറ്റഴിക്കുന്നത്. ഐപിഒയുടെ 50 ശതമാനം നിക്ഷേപക സ്ഥാപനങ്ങള്ക്കും 15 ശതമാനം ഉയര്ന്ന ആസ്തിയുള്ള വ്യക്തികള്ക്കും 35 ശതമാനം ചില്ലറ നിക്ഷേപകര്ക്കും മാറ്റിവെച്ചിരിക്കുന്നു.
ഐപിഒ വഴി സമാഹരിക്കുന്ന തുക കമ്പനിയുടെ വിപുലീകരണത്തിനും കടം തിരിച്ചടയ്ക്കുന്നതിനും പൊതുവായ കോര്പ്പറേറ്റ് ആവശ്യങ്ങള്ക്കും വിനിയോഗിക്കും.
2023-24 സാമ്പത്തിക വര്ഷത്തില് കമ്പനിയുടെ വരുമാനം 209 കോടി രൂപയാണ്. ലാഭം 100 ശതമാനത്തിലേറെ വളര്ന്ന് 58 കോടി രൂപയിലെത്തി.
