കൊച്ചി: ക്ലൗഡ് അധിഷ്‌ഠിത ട്രാവൽ ടെക്‌നോളജി പ്ലാറ്റ്‌ഫോമായ സ്‌പോട്ട്‌നാന, നിലവിലുള്ള നിക്ഷേപകരായ മഡ്രോണ വെഞ്ച്വർ ഗ്രൂപ്പ്, ബ്ലാങ്ക് വെഞ്ച്വേഴ്‌സ്, ഐക്കണിക് ഗ്രോത്ത്, മുബാദല ക്യാപിറ്റൽ എന്നിവയുടെ പങ്കാളിത്തത്തോടെ ഡ്യൂറബിൾ ക്യാപിറ്റൽ പാർട്‌ണേഴ്‌സ് എൽപിയുടെ നേതൃത്വത്തിലുള്ള സീരീസ് ബി ഫണ്ടിംഗ് റൗണ്ടിൽ 75 മില്യൺ ഡോളർ സമാഹരിച്ചു.
കോർപ്പറേഷനുകൾക്കും ട്രാവൽ മാനേജ്‌മെന്റ് കമ്പനികൾക്കും വിതരണക്കാർക്കും സാങ്കേതിക ദാതാക്കൾക്കും ക്ലൗഡ് അധിഷ്‌ഠിത സാങ്കേതികവിദ്യ നൽകുന്ന ട്രാവൽ-ആസ്-എ-സർവീസ് പ്ലാറ്റ്‌ഫോം നിർമ്മിക്കുന്നതിനും പ്രോത്സാഹിപ്പിക്കുന്നതിനും സീരീസ് ബി ഫണ്ടിംഗ് സഹായിക്കുമെന്ന് സ്‌പോട്ട്‌നാന പറഞ്ഞു. സ്‌പോട്ട്‌നാന കഴിഞ്ഞ രണ്ട് വർഷത്തിനുള്ളിൽ 100 മില്യണിലധികം ഡോളറിന്റെ ഫണ്ടിംഗ് സമാഹരിച്ചു.
രണ്ട് പതിറ്റാണ്ടിലേറെയായി യാത്രാ വ്യവസായ പരിചയമുള്ള സരോഷ് വാഗ്മർ, അനലിറ്റിക്‌സ് പ്ലാറ്റ്‌ഫോമായ തൊട്ട്സ്പോട്ടിലെ ചീഫ് ടെക്‌നോളജി ഓഫീസറും സ്ഥാപക എഞ്ചിനീയറുമായിരുന്ന ശിഖർ അഗർവാൾ എന്നീ രണ്ട് ഇന്ത്യൻ സംരംഭകരാണ് സ്‌പോട്ട്‌നാന സ്ഥാപിച്ചത്. സമാനതകളില്ലാത്ത യാത്രാ അനുഭവങ്ങൾ നൽകുന്നതിന് മുഴുവൻ യാത്രാ ആവാസവ്യവസ്ഥയെയും ഒരുമിച്ച് പ്രവർത്തിക്കാൻ പ്രാപ്‌തമാക്കുന്ന ഒരു ഓപ്പൺ പ്ലാറ്റ്‌ഫോം തങ്ങൾ വാഗ്ദാനം ചെയ്യുന്നതായി വാഗ്മർ പറഞ്ഞു.
