തിരുവനന്തപുരം: സംസ്ഥാനത്തെ റെയിൽപ്പാളങ്ങളുടെ അറ്റകുറ്റപ്പണിയും ബലപ്പെടുത്തലും 60 ശതമാനത്തോളം പൂർത്തിയായെന്ന് റെയിൽവേ. വളവുകൾ നേരെയാക്കി വേഗം കൂട്ടുന്നതിനുള്ള ലിഡാർ സർവേക്കൊപ്പം പാളത്തിന്റെ പോരായ്മകൾ തീർക്കുന്നുണ്ട്.
ഞായറാഴ്ച പാളം ബലപ്പെടുത്തലാണ് ആലുവ-അങ്കമാലി, മാവേലിക്കര- ചെങ്ങന്നൂർ ഭാഗത്ത് നടന്നത്. പാലക്കാട് ഡിവിഷനിൽ കഴിഞ്ഞ വർഷം 200 കിലോമീറ്ററോളം പാളം മാറ്റിയിരുന്നു.
തിരുവനന്തപുരത്തും ഇതേ സ്ഥിതിയാണ്. വേനൽ കടുക്കുമ്പോഴും പാളംപൊട്ടൽ കൂടാത്തത് അറ്റകുറ്റപ്പണിയുടെ നേട്ടമാണ്. വേഗം കൂട്ടാനും കഴിഞ്ഞിട്ടുണ്ട്.
