ഇന്ത്യയിലെ സമ്പന്നരുടെ സമ്പത്ത് ഒരു ട്രില്യണ്‍ ഡോളര്‍ കടന്നു

ഇന്ത്യയിലെ(India) ഏറ്റവും സമ്പന്നരായ ആളുകളുടെ കൂട്ടായ സമ്പത്ത്(wealth of the rich) 1.19 ട്രില്യണ്‍ ഡോളറിലെത്തി (99.86 ട്രില്യണ്‍ രൂപ), ഫോര്‍ച്യൂണ്‍ ഇന്ത്യയുടെ(Fortune India) റിപ്പോര്‍ട്ട് വെളിപ്പെടുത്തി.

‘ഡോളര്‍ ശതകോടീശ്വരന്‍’ പദവിയുള്ള 185 പേരെ പട്ടികയില്‍ ഉള്‍പ്പെടുത്തിയിട്ടുണ്ട്, അതായത് അവര്‍ക്ക് കുറഞ്ഞത് 1 ബില്യണ്‍ ഡോളര്‍ സമ്പത്തുണ്ട്.

ഫോര്‍ച്യൂണ്‍ ഇന്ത്യ-വാട്ടര്‍ഫീല്‍ഡ് അഡൈ്വസേഴ്സ് 2024 റാങ്കിംഗ് പ്രകാരം, ഇന്ത്യയിലെ ശതകോടീശ്വരന്മാരുടെ ആകെ സമ്പത്ത് 50 ശതമാനം വര്‍ധിച്ചു, 2022 ല്‍ ഇത് 832 ബില്യണ്‍ ഡോളറായിരുന്നു.

അക്കാലത്ത് ഇന്ത്യയില്‍ 142 ഡോളര്‍ ശതകോടീശ്വരന്മാരുണ്ടായിരുന്നു. ‘ആഗോള സാമ്പത്തിക വെല്ലുവിളികള്‍ക്കിടയിലും സമ്പത്തില്‍ ശ്രദ്ധേയമായ വളര്‍ച്ചയും ഡോളറിനെതിരെ രൂപയുടെ മൂല്യത്തില്‍ 5 ശതമാനം ഇടിവും ഇത് കാണിക്കുന്നു,’ റിപ്പോര്‍ട്ട് പറയുന്നു.

ഇന്ത്യയിലെ ഡോളര്‍ ശതകോടീശ്വരന്മാരുടെ മൊത്തം സമ്പത്ത് ഇപ്പോള്‍ ഇന്ത്യയുടെ മൊത്ത ആഭ്യന്തര ഉല്‍പ്പാദനത്തിന്റെ (ജിഡിപി) 33.81 ശതമാനത്തിന് തുല്യമാണ്.

ഫാസ്റ്റ് മൂവിംഗ് കണ്‍സ്യൂമര്‍ ഗുഡ്‌സ് (എഫ്എംസിജി), ഫാര്‍മസ്യൂട്ടിക്കല്‍സ്, ടെക്‌നോളജി എന്നിവയുള്‍പ്പെടെ വിവിധ മേഖലകളില്‍ നിന്നുള്ള 29 പുതുമുഖങ്ങളെ ഈ വര്‍ഷം അവതരിപ്പിക്കുന്നു, മൊത്തം സമ്പത്ത് 4.09 ട്രില്യണ്‍ രൂപ.

10.5 ട്രില്യണ്‍ രൂപയുമായി റിലയന്‍സ് ഗ്രൂപ്പ് ചെയര്‍മാന്‍ മുകേഷ് അംബാനിയാണ് മുന്നില്‍. തൊട്ടുപിന്നില്‍ അദാനി ഗ്രൂപ്പിന്റെ ഗൗതം അദാനിയാണെന്ന് ഫോര്‍ച്യൂണ്‍ ഇന്ത്യ അറിയിച്ചു.

യുഎസ് ഷോര്‍ട്ട് സെല്ലറായ ഹിന്‍ഡന്‍ബര്‍ഗ് റിസര്‍ച്ച് ഉന്നയിച്ച ആരോപണങ്ങള്‍ ഉണ്ടായിട്ടും, ഈ കാലയളവില്‍ അദാനിയുടെ സമ്പത്ത് ഏകദേശം ഇരട്ടിയായി 10.4 ട്രില്യണ്‍ രൂപയായിലെത്തി.

2022-23 സാമ്പത്തിക വര്‍ഷം മുതല്‍ 2024സാമ്പത്തികവര്‍ഷം വരെ ബെഞ്ച്മാര്‍ക്ക് സൂചികകള്‍ റെക്കോര്‍ഡ് ഉയരങ്ങളിലെത്തുകയും 15.94 ശതമാനം വാര്‍ഷിക വളര്‍ച്ചാ നിരക്ക് കൈവരിക്കുകയും ചെയ്തിരുന്നു. അതിനാല്‍ ഈ സമ്പത്ത് ശേഖരണത്തില്‍ ഇക്വിറ്റി മാര്‍ക്കറ്റ് ഒരു പ്രധാന പങ്ക് വഹിച്ചു.

ശതകോടീശ്വരന്മാരുടെ ശരാശരി സമ്പത്ത് 2022ല്‍ 46,729 കോടി രൂപയില്‍ നിന്ന് 2024ല്‍ 53,978 കോടി രൂപയായി ഉയര്‍ന്നു.

33.06 ബില്യണ്‍ ഡോളര്‍ ആസ്തിയുള്ള ജിന്‍ഡാല്‍ ഗ്രൂപ്പിന്റെ ചെയര്‍പേഴ്സണ്‍ സാവിത്രി ജിന്‍ഡാലാണ് ആദ്യ 10ല്‍ ഇടം നേടിയ ഏക വനിത.