മുംബൈ: യുഎസ് വിപണിയിൽ ബെൻസിൽ ആൽക്കഹോൾ, ഫിനോബാർബിറ്റൽ സോഡിയം പൗഡർ എന്നിവ വാണിജ്യവത്കരിക്കുന്നതിന് സൺഫാർമ അഡ്വാൻസ്ഡ് റിസർച്ച് കമ്പനിയുമായി (സ്പാർക്) ലൈസൻസിംഗ് കരാറിൽ ഒപ്പുവെച്ചതായി മരുന്ന് നിർമ്മാതാക്കളായ സൺ ഫാർമ അറിയിച്ചു.
2022 ഫെബ്രുവരിയിൽ പ്രസ്തുത ഉൽപ്പന്നത്തിനായി യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷന് (യുഎസ് എഫ്ഡിഎ) സ്പാർക് ഒരു പുതിയ ഡ്രഗ് ആപ്ലിക്കേഷൻ (എൻഡിഎ) സമർപ്പിച്ചിരുന്നു. നവജാതശിശുക്കളിലെ ഗ്യാസ്പിംഗ് സിൻഡ്രോം എന്ന ജീവൻ അപകടപ്പെടുത്തുന്ന അവസ്ഥയുടെ അപകടസാധ്യത കുറയ്ക്കുന്നതിനാണ് മരുന്ന് രൂപകൽപ്പന ചെയ്തിരിക്കുന്നത്.
ലൈസൻസ് കരാറിന്റെ നിബന്ധനകൾ പ്രകാരം, കമ്പനി സ്പാർക്കിന് 10 മില്യൺ യുഎസ് ഡോളർ മുൻകൂറായി നൽകുമെന്ന് സൺ ഫാർമ പ്രസ്താവനയിൽ പറഞ്ഞു. 2007ൽ സൺ ഫാർമയിൽ നിന്ന് വേർപെടുത്തിയാണ് സ്പാർക് രൂപീകരിച്ചത്.
ഒരു ഇന്ത്യൻ ബഹുരാഷ്ട്ര ഫാർമസ്യൂട്ടിക്കൽ കമ്പനിയാണ് സൺ ഫാർമസ്യൂട്ടിക്കൽ ഇൻഡസ്ട്രീസ്. ഇത് ഫാർമസ്യൂട്ടിക്കൽ ഫോർമുലേഷനുകളും എപിഐകളും നിർമ്മിക്കുകയും വിപണനം ചെയ്യുകയും ചെയ്യുന്നു.
