Alt Image
യുഎസില്‍ ഇന്ത്യന്‍ തുണിത്തരങ്ങള്‍ക്ക് വീണ്ടും ഡിമാന്‍ഡ് ◆ ഇന്ത്യയിൽ സ്‍മാർട്ട്ഫോൺ വിൽപ്പനയിൽ 20% ഇടിവ്; ഏറ്റവും വലിയ തിരിച്ചടി ബജറ്റ് ഫോണുകൾക്ക് ◆ എല്‍പിജി ഇറക്കുമതി കുതിച്ചുയരുമെന്ന് മുന്നറിയിപ്പ് ◆ ഇന്ത്യയുടെ ക്രൂഡ് ഇറക്കുമതിച്ചെലവിൽ കുതിപ്പ്; 19.5 ബില്യൺ ഡോളറിന്റെ പർച്ചേസ് ◆ പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆

സലാര്‍ 500 കോടി ക്ലബില്‍

കൊച്ചി: പ്രഭാസിനെ നായകനാക്കി കെജിഎഫ് സംവിധായകന്‍ പ്രശാന്ത് നീല്‍ സംവിധാനം ചെയ്ത സലാര്‍ 500 കോടി ക്ലബിലേക്ക്. ആഗോളതലത്തില്‍ റിലീസായ എല്ലാ കേന്ദ്രങ്ങളിൽനിന്നുമായി ചിത്രം ഇതിനോടകം 500 കോടിയോളം രൂപ നേടിയെന്ന് അണിയറ പ്രവർത്തകര്‍ അറിയിച്ചു.

ഹോംബാലെ ഫിലിംസിന്‍റെ ബാനറില്‍ ഒരുക്കിയ ചിത്രം പ്രഭാസ്-പൃഥ്വിരാജ് കോംബോയുടെ പേരില്‍ റിലീസിനു മുമ്പേ ശ്രദ്ധ നേടിയിരുന്നു. പൃഥ്വിരാജ് പ്രൊഡക്‌ഷന്‍സാണ് ചിത്രം കേരളത്തില്‍ വിതരണം ചെയ്തത്.

രണ്ടു ഭാഗങ്ങളായി എത്തുന്ന സിനിമയുടെ ആദ്യ ഭാഗത്തിന്‍റെ പേര് സലാര്‍: പാര്‍ട് വണ്‍ സീസ് ഫയര്‍ എന്നാണ്. കെജിഎഫ്, കാന്താര എന്നീ സൂപ്പര്‍ ഹിറ്റ് ചിത്രങ്ങള്‍ക്കുശേഷം ഹോംബാലെ ഫിലിംസിന്‍റെ ബാനറില്‍ വിജയ് കിരണ്ടൂര്‍ ആണ് നിര്‍മാണം.

രവി ബസ്രുര്‍ ആണ് സംഗീതം. ഛായാഗ്രഹണം ഭുവന്‍ ഗൗഡ. ശ്രുതി ഹാസന്‍ ആണ് നായിക. ജഗപതി ബാബു, ഈശ്വരി റാവു എന്നിവരാണ് മറ്റു താരങ്ങള്‍. തമിഴ്, ഹിന്ദി, മലയാളം, തെലുങ്ക്, കന്നഡ എന്നിങ്ങനെ അഞ്ചു ഭാഷകളിലാണ് ചിത്രം എത്തിയിട്ടുള്ളത്.

X
Top