ഡൽഹി: യുഎസ് ആസ്ഥാനമായുള്ള ഫണ്ട് ഒരു ഇടപാട് വഴി ആർബിഎൽ ബാങ്കിന്റെ 50 കോടി രൂപ മൂല്യമുള്ള ഓഹരികൾ ഏറ്റെടുത്തു. ഓഹരി ഏറ്റെടുക്കൽ സംബന്ധിച്ച വാർത്തയെ തുടർന്ന് ബാങ്കിന്റെ ഓഹരികൾ 5 ശതമാനത്തിലധികം ഉയർന്ന് 128.90 രൂപയിലെത്തി.
കോളേജ് റിട്ടയർമെന്റ് ഇക്വിറ്റി ഫണ്ട് (CREF) ആർബിഎൽ ബാങ്കിന്റെ 4,584,678 ഓഹരികൾ ശരാശരി 108.86 രൂപ എന്ന നിരക്കിലാണ് ഏറ്റെടുത്തതെന്ന് എൻഎസ്ഇയിൽ ലഭ്യമായ ഡാറ്റ കാണിക്കുന്നു. അതേപോലെ ബാങ്കിന്റെ ഇക്വിറ്റി ഓഹരി മൂലധനത്തിന്റെ 1.16 ശതമാനം വരുന്ന 69,34,488 ഓഹരികൾ നിലവിൽ സിആർഇഎഫിന്റെ കൈവശമുണ്ട്.
ലാഭേച്ഛയില്ലാത്ത പ്രവർത്തിക്കുന്ന സ്ഥാപനമാണ് സിആർഇഎഫ്. നിക്ഷേപം, ഇൻഷുറൻസ്, ആന്വിറ്റി ഉൽപ്പന്നങ്ങൾ തുടങ്ങിയ നിക്ഷേപ ഓപ്ഷനുകൾ സ്ഥാപനം വാഗ്ദാനം ചെയ്യുന്നു. കൂടാതെ ഇത് യുണൈറ്റഡ് സ്റ്റേറ്റ്സിലെ കമ്മ്യൂണിറ്റികൾക്ക് സേവനം നൽകുന്നു.
