കൊച്ചി: ഏപ്രിൽ മുതൽ ജൂൺ വരെയുള്ള മൂന്ന് മാസങ്ങളിൽ പ്രമുഖ പൊതു മേഖല ബാങ്കായ പഞ്ചാബ് നാഷണൽ ബാങ്കിന്റെ(പി.എൻ.ബി) അറ്റാദായം 159 ശതമാനം ഉയർന്ന് 3,252 കോടി രൂപയിലെത്തി.
മുൻവർഷം ഇതേകാലയളവിൽ അറ്റാദായം 1,255 കോടി രൂപയായിരുന്നു. അറ്റപലിശ വരുമാനം 10.23 ശതമാനം ഉയർന്ന് 10,476 കോടി രൂപയിലെത്തി. കിട്ടാക്കടങ്ങൾ തിരിച്ചുപിടിക്കുന്നതിലും മികച്ച പ്രകടനമാണ് ബാങ്ക് കാഴ്ചവെച്ചത്.
നിഷ്ക്രിയ ആസ്തി ജൂൺ 30ന് 4.98 ശതമാനമായി കുറഞ്ഞു. നടപ്പു സാമ്പത്തിക വർഷത്തിലെ രണ്ടാം അർദ്ധ വർഷത്തിൽ ധനകാൂള സ്ഥാപനങ്ങളിൽ നിന്നും 5,000 കോടി രൂപ സമാഹരിക്കാനാണ് ലക്ഷ്യമിടുന്നതെന്ന് പി.എൻ.ബി മാനേജിംഗ് ഡയറക്ടർ അതുൽ കുമാർ ഗോയൽ പറഞ്ഞു.
