Alt Image
യുഎസില്‍ ഇന്ത്യന്‍ തുണിത്തരങ്ങള്‍ക്ക് വീണ്ടും ഡിമാന്‍ഡ് ◆ ഇന്ത്യയിൽ സ്‍മാർട്ട്ഫോൺ വിൽപ്പനയിൽ 20% ഇടിവ്; ഏറ്റവും വലിയ തിരിച്ചടി ബജറ്റ് ഫോണുകൾക്ക് ◆ എല്‍പിജി ഇറക്കുമതി കുതിച്ചുയരുമെന്ന് മുന്നറിയിപ്പ് ◆ ഇന്ത്യയുടെ ക്രൂഡ് ഇറക്കുമതിച്ചെലവിൽ കുതിപ്പ്; 19.5 ബില്യൺ ഡോളറിന്റെ പർച്ചേസ് ◆ പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆

ബോയിംഗിന്‍റെ ബംഗളൂരു ക്യാമ്പസ് തുറന്നു

ബംഗളൂരു: ലോകത്തെ പ്രമുഖ വിമാനനിർമാണ കന്പനിയായ ബോയിംഗിന്‍റെ ബംഗളൂരുവിലെ ഗ്ലോബൽ എൻജിനിയറിംഗ് ആൻഡ് ടെക്നോളജി കാമ്പസ് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു.

43 ഏക്കർ വിസ്തൃതിയിലാണ് 1,600 കോടി രൂപ ചെലവിൽ നിർമിച്ച കേന്ദ്രത്തിന്‍റെ പ്രവർത്തനം. അമേരിക്കയ്ക്കു പുറത്തു ബോയിംഗിനുള്ള ഏറ്റവും വലിയ കാന്പസാണു ബംഗളൂരുവിൽ പ്രവർത്തനം ആരംഭിച്ചത്.

ആഗോള വ്യോമയാന-പ്രതിരോധ വ്യവസായത്തിൽ പുതുതലമുറ ഉത്പന്നങ്ങളും സേവനങ്ങളും വികസിപ്പിക്കാനായി ഇന്ത്യയിലെ സ്റ്റാർട്ടപ്പുകളുമായും സ്വകാര്യ-സർക്കാർ മേഖലകളുമായും ബോയിംഗ് സഹകരിക്കും.

ബംഗളൂരുവിനു പുറമേ ചെന്നൈയിലും ബോയിംഗിന് എൻജിനിയറിംഗ് സെന്‍ററുണ്ട്. രണ്ടു കേന്ദ്രങ്ങളിലുമായി ആറായിരത്തോളം മെക്കാനിക്കൽ, ഇല‌ക‌്ട്രിക്കൽ, ഇലക്‌ട്രോണിക് എൻജിനിയർമാർ ജോലി ചെയ്യുന്നു. ലോകത്താകമാനം 57,000 എൻജിനിയർമാരും ബോയിംഗിനായി ജോലി ചെയ്യുന്നുണ്ട്.

വ്യോമയാന മേഖലയുടെ ഭാഗമാകാൻ യുവവനിതകളെ സഹായിക്കുന്ന ബോയിംഗിന്‍റെ സുകന്യ പദ്ധതിയും പ്രധാനമന്ത്രി ഉദ്ഘാടനം ചെയ്തു.

X
Top