മുംബൈ: കമ്പനിയുടെ ഇലക്ട്രിക് സ്‌കൂട്ടറുകളുടെ ഡിമാൻഡ് കുറയുന്നതിനിടയിൽ രാജ്യത്തുടനീളം ഫിസിക്കൽ സ്റ്റോറുകൾ തുറക്കാൻ ഒരുങ്ങി ഇവി നിർമ്മാതാക്കളായ ഒല ഇലക്ട്രിക്. 2023 മാർച്ചോടെ രാജ്യത്തുടനീളം 200-ലധികം ഫിസിക്കൽ കേന്ദ്രങ്ങൾ തുറക്കാൻ പദ്ധതിയിടുന്നതായും. എക്‌സ്പീരിയൻസ് സെന്ററുകൾ കൂടുതൽ ആളുകളെ തങ്ങളുടെ ഉൽപ്പന്നങ്ങൾ അനുഭവിക്കാൻ പ്രാപ്‌തമാക്കുമെന്നും സിഇഒ ഭവിഷ് അഗർവാൾ ഒരു ട്വീറ്റിൽ പറഞ്ഞു.
ഒല കഴിഞ്ഞ മാസം ഇലക്ട്രിക് സ്‌കൂട്ടറുകൾക്കായി ഓൺലൈൻ ബുക്കിംഗ് ആരംഭിച്ചിരുന്നുവെങ്കിലും ഉപഭോക്താക്കളിൽ നിന്നുള്ള മങ്ങിയ പ്രതികരണം ഇപ്പോൾ ഓഫ്‌ലൈൻ സ്റ്റോറുകൾ തുറക്കാൻ ഇവി യൂണികോണിനെ പ്രേരിപ്പിച്ചു.
കമ്പനിയുടെ കഴിഞ്ഞ വർഷം ആരംഭിച്ച ഓൺലൈൻ റീട്ടെയിൽ തന്ത്രത്തിൽ നിന്നുള്ള വ്യതിചലനമാണിത്. ഡെലിവറികൾ, കുറഞ്ഞ സ്കൂട്ടർ റേഞ്ച്, ഇവി തീപിടിത്തവുമായി ബന്ധപ്പെട്ട സംഭവങ്ങൾ എന്നിവയാൽ കമ്പനി ഉപഭോക്തൃ തിരിച്ചടി നേരിട്ടതിനാൽ കഴിഞ്ഞ ഏഴ് മാസത്തിനിടെ ഒല 70,000 യൂണിറ്റുകൾ മാത്രമാണ് വിറ്റഴിച്ചത്.
