മുംബൈ: ഗുജറാത്തിലെ 645 മെഗാവാട്ട് ശേഷിയുള്ള കാവാസ് ഗ്യാസ് പവർ പ്ലാന്റിൽ കാർബൺ ബഹിർഗമനം കുറയ്ക്കാൻ സഹായിക്കുന്നതിനായി ജിഇ ഗ്യാസ് പവറുമായി കൈകോർത്ത് സർക്കാർ ഉടമസ്ഥതയിലുള്ള എൻടിപിസി. ഇതിനായി ഇരു കമ്പനികളും ധാരണാപത്രത്തിൽ ഒപ്പുവച്ചു.
ഗുജറാത്തിലെ എൻടിപിസിയുടെ കവാസ് സംയുക്ത-സൈക്കിൾ ഗ്യാസ് പവർ പ്ലാന്റിൽ സ്ഥാപിച്ചിട്ടുള്ള ജിഇയുടെ 9 ഇ ഗ്യാസ് ടർബൈനുകളിൽ പ്രകൃതിവാതകവുമായി ഹൈഡ്രജൻ (എച്ച്2) സംയോജിപ്പിച്ച് ഹൈഡ്രജൻ (എച്ച്2) കോ-ഫയറിംഗ് നടത്തുന്നതിനുള്ള സാധ്യത തെളിയിക്കുന്നതിനാണ് ധാരണാപത്രം. എൻടിപിസിയുടെ എം‌ഡബ്ല്യു കവാസ് ഗ്യാസ് പവർ പ്ലാന്റ് നാല് ജിഇ 9ഇ ഗ്യാസ് ടർബൈനുകൾ ഉപയോഗിച്ചാണ് പ്രവർത്തിക്കുന്നത്.
കൂടാതെ ഇതിന് 645 മെഗാവാട്ട് സ്ഥാപിത ശേഷിയുണ്ട്. അതിനുശേഷം, ധാരണാപത്രം പ്രകാരം സാധ്യതാ റിപ്പോർട്ടിന്റെ അടിസ്ഥാനത്തിൽ സുരക്ഷിതമായ അന്തരീക്ഷത്തിൽ ഹൈഡ്രജൻ 5 ശതമാനം കോ-ഫയറിംഗ് നടത്തുന്നതിനുള്ള ഒരു പൈലറ്റ് പ്രോജക്റ്റ് ഈ പ്ലാന്റിൽ നടപ്പിലാക്കാം. പദ്ധതിക്ക് ആവശ്യമായ H2 എൻടിപിസി നൽകും.
പവർ ജനറേഷൻ ബിസിനസിന്റെ മുഴുവൻ മൂല്യ ശൃംഖലയിലും ശ്രദ്ധേയമായ സാന്നിധ്യമുള്ള ഒരു സംയോജിത പവർ കമ്പനിയാണ് എൻടിപിസി ലിമിറ്റഡ്. കമ്പനിയുടെ ബിസിനസ് മേഖലകളിൽ പവർ ജനറേഷൻ, കൺസൾട്ടൻസി സേവനങ്ങൾ, പവർ ട്രേഡിംഗ്, കൽക്കരി ഖനനം എന്നിവ ഉൾപ്പെടുന്നു.
