കൊച്ചി: രാജ്യത്ത് പെട്രോൾ, ഡീസൽ കാറുകൾ പൂർണമായും ഒഴിവാക്കാൻ കഴിയുമെന്ന് കേന്ദ്ര ഗതാഗതമന്ത്രി നിതിൻ ഗഡ്കരി.
കേന്ദ്ര സർക്കാരിന്റെ ഹരിത പദ്ധതികൾ വിജയിക്കുന്നതിന് ഹൈബ്രിഡ് വാഹനങ്ങളുടെ ചരക്ക് സേവന നികുതി കുത്തനെ കുറയ്ക്കണമെന്നും പ്രമുഖ വാർത്താ ഏജൻസിക്ക് നൽകിയ അഭിമുഖത്തിൽ അദ്ദേഹം പറഞ്ഞു.
പ്രതിവർഷം ഇന്ത്യ ഇന്ധന ഇറക്കുമതിക്ക് 16 ലക്ഷം കോടി രൂപയാണ് ചെലവഴിക്കുന്നത്.
ഫോസിൽ ഇതര വാഹനങ്ങളുടെ ഉപയോഗം പ്രോത്സാഹിപ്പിക്കുന്നതിലൂടെ ഈ തുക കർഷകർക്കും ഗ്രാമീണർക്കും നൽകാമെന്നും അദ്ദേഹം പറയുന്നു.
