ജാപ്പനീസ് ഓട്ടോ ഭീമനായ നിസാൻ മോട്ടോർ കമ്പനി നേരിടുന്ന സാമ്പത്തിക പ്രതിസന്ധി കൂടുതൽ രൂക്ഷമാകുന്നു. 4.74 ബില്യൺ മുതൽ 5.08 ബില്യൺ ഡോളർ വരെ റെക്കോർഡ് നഷ്‍ടമുണ്ടാകുമെന്ന് കമ്പനി ഓഹരി ഉടമകൾക്ക് മുന്നറിയിപ്പ് നൽകിയിട്ടുണ്ട്.
ഇതോടൊപ്പം 20,000 ജീവനക്കാരെ പിരിച്ചുവിടാനും കമ്പനി പദ്ധതിയിടുന്നതായാണ് റിപ്പോർട്ടുകൾ. ഇത് കമ്പനിയുടെ മൊത്തം ജീവനക്കാരുടെ 15 ശതമാനമാണ്.
കഴിഞ്ഞ വർഷം നവംബറിൽ നിസാൻ 9,000 ജീവനക്കാരെ പിരിച്ചുവിടുകയും ആഗോളതലത്തിൽ ഉൽപ്പാദന ശേഷിയിൽ 20 ശതമാനം കുറവ് വരുത്തുകയും ചെയ്തിരുന്നു. എന്നാൽ ഇപ്പോൾ കമ്പനി 11,000 ജീവനക്കാരെ കൂടി പിരിച്ചുവിടാൻ തീരുമാനിച്ചിരിക്കുന്നു.
റോയിട്ടേഴ്‌സ് പറയുന്നതനുസരിച്ച്, കമ്പനിയുടെ ദുർബലമായ പ്രകടനമാണ് ഈ നീക്കത്തിന് കാരണം, പ്രത്യേകിച്ച് യുഎസ്, ചൈന തുടങ്ങിയ പ്രധാന വിപണികളിലെ വിൽപ്പനയിൽ കുത്തനെയുള്ള ഇടിവാണ് സംഭവിച്ചിരിക്കുന്നതെന്നാണ് റിപ്പോർട്ടുകൾ. കഴിഞ്ഞ സാമ്പത്തിക വർഷത്തിന്റെ ആദ്യ പകുതിയിൽ നിസാന്റെ അറ്റാദായം 94 ശതമാനം കുറഞ്ഞു.
അമേരിക്കയിലും ചൈനയിലും വിൽപ്പന ദുർബലമായത് നിസ്സാന് വലിയ നഷ്ടമുണ്ടാക്കി, തുടർന്ന് ഹോണ്ട ( എച്ച്എംസി ) യുമായുള്ള ലയന ചർച്ചകൾ പരാജയപ്പെട്ടു, അടുത്തിടെ അതിന്റെ ചീഫ് എക്സിക്യൂട്ടീവിനെ മാറ്റാൻ നിർബന്ധിതരായി.
എതിരാളികളെപ്പോലെ, യുഎസ് താരിഫുകളും തെക്കുകിഴക്കൻ ഏഷ്യയിലെയും മറ്റിടങ്ങളിലെയും വിപണികളിൽ അതിവേഗം വളരുന്ന ചൈനീസ് ഇലക്ട്രിക് വാഹന നിർമ്മാതാക്കളുടെ ഭീഷണിയും നിസ്സാന് നേരിടുന്നു.
നിസാൻ നിരവധി വെല്ലുവിളികൾ നേരിടുന്നു. കാലഹരണപ്പെട്ട ഉൽപ്പന്ന ശ്രേണി, ഡീലർഷിപ്പുകളിലെ പ്രശ്‍നങ്ങൾ, വടക്കേ അമേരിക്കയിൽ ഹൈബ്രിഡ് വാഹനങ്ങളുടെ കുറവ് എന്നിവ കമ്പനിയുടെ ദുരിതങ്ങൾക്ക് ആക്കം കൂട്ടി.
ഇതിനുപുറമെ, ചൈനയിലെ ബിവൈഡി പോലുള്ള പ്രാദേശിക ഇലക്ട്രിക്, ഹൈബ്രിഡ് വാഹന നിർമ്മാതാക്കളിൽ നിന്നും കടുത്ത വെല്ലുവിളി നേരിടുന്നു. ഈ വർഷം ആദ്യം ഹോണ്ടയുമായുള്ള ലയന പദ്ധതി നിസ്സാൻ പരാജയപ്പെട്ടു.
റേറ്റിംഗ് ഏജൻസികളും കമ്പനിയുടെ റേറ്റിംഗ് താഴ്ത്തി. മാർച്ചിൽ അവസാനിച്ച സാമ്പത്തിക വർഷത്തിലെ ഫലങ്ങൾ ചൊവ്വാഴ്ച കമ്പനി പ്രഖ്യാപിക്കും. എന്നിരുന്നാലും, ഈ പിരിച്ചുവിടൽ വാർത്തയെക്കുറിച്ച് നിസാൻ ഇതുവരെ ഒരു പ്രസ്താവനയും നടത്തിയിട്ടില്ല.
നിസാന്റെ ഈ നീക്കം ഓട്ടോമൊബൈൽ വ്യവസായത്തിലെ വളർന്നുവരുന്ന പ്രതിസന്ധിയെ പ്രതിഫലിപ്പിക്കുന്നു. കാരണം ഫോക്‌സ്‌വാഗൺ, വോൾവോ, പോർഷെ തുടങ്ങിയ കമ്പനികളും അടുത്തിടെ പിരിച്ചുവിടലുകൾ പ്രഖ്യാപിച്ചിട്ടുണ്ട്.
നിസാന്റെ ഈ തീരുമാനം മൂലം ആയിരക്കണക്കിന് ജീവനക്കാരുടെ ഭാവി അപകടത്തിലാണ്. അത്തരമൊരു സാഹചര്യത്തിൽ, കമ്പനിക്ക് ശക്തമായ പ്രകടനം കാഴ്ചവയ്ക്കേണ്ടിവരും എന്നാണ് റിപ്പോർട്ടുകൾ.
