മുംബൈ: ഇന്ത്യന് വിപണി വ്യാഴാഴ്ച മികച്ച ഉയരം കുറിച്ചു. സെന്സെക്സ് 474.46 പോയിന്റ് അഥവാ 0.71 ശതമാനം ഉയര്ന്ന് 67571.90 ലെവലിലും നിഫ്റ്റി 146 പോയിന്റ് അഥവാ 0.74 ശതമാനം ഉയര്ന്ന് 19979.20 ലെവലിലും ക്ലോസ് ചെയ്യുകയായിരുന്നു. 1718 ഓഹരികള് മുന്നേറിയപ്പോള് 1574 ഓഹരികളാണ് തിരിച്ചടി നേരിട്ടത്.
130 ഓഹരി വിലകളില് മാറ്റമില്ല. ഐടിസി,കോടക് മഹീന്ദ്ര ബാങ്ക്,ഡോ.റെഡ്ഡീസ്,ഐസിഐസിഐ ബാങ്ക് സിപ്ല എന്നിവയാണ് നിഫ്റ്റിയില് മികച്ച നേട്ടം കൈവരിച്ചത്. റിലയന്സ് ഇന്ഡസ്ട്രീസ്, ഇന്ഫോസിസ്,അള്ട്രാടെക് സിമന്റ്,എച്ച്സിഎല്,ബാജാജ് ഫിന്സര്വ് എന്നിവ നഷ്ടത്തിലായി.
മേഖലകളില് എഫ്എംസിജി,ബാങ്ക്,ഫാര്മ എന്നിവ 1 ശതമാനവും ഓയില് ആന്റ് ഗ്യാസ് അര ശതമാനം വീതവുമുയര്ന്നപ്പോള് ഐടി 0.8 ശതമാനവും ഊര്ജ്ജം 0.4 ശതമാനവുമിടിവ് നേരിട്ടു. ബിഎസ്ഇ മിഡ്ക്യാപ്,സ്മോള്ക്യാപ് സൂചികകള് മാറ്റമില്ലാതെയാണ് വ്യാപാരം അവസാനിപ്പിച്ചത്.
