ബാംഗ്ലൂർ: ബെംഗളൂരു ആസ്ഥാനമായുള്ള റിയൽ എസ്റ്റേറ്റ് ഡെവലപ്പറായ എംഎസ് രാമയ്യ ഡെവലപ്പേഴ്സ് & ബിൽഡേഴ്സ് (എംഎസ്ആർഡിബി) കർണാടക, ഗോവ, ആന്ധ്രാപ്രദേശ് എന്നിവിടങ്ങളിലെ റിയൽ എസ്റ്റേറ്റ് മേഖലകളിലായി രണ്ട് വർഷത്തിനുള്ളിൽ ഏകദേശം 1,100 കോടി രൂപ നിക്ഷേപിക്കാൻ പദ്ധതിയിടുന്നു.
കർണാടകയിലുടനീളം 200 ഏക്കർ റസിഡൻഷ്യൽ ടൗൺഷിപ്പുകൾ വികസിപ്പിക്കാനും കമ്പനിക്ക് പദ്ധതിയുണ്ട്. ചില്ലറ വിൽപ്പനയ്ക്കും വാണിജ്യ വികസനത്തിനും വേണ്ടി, ഗോവയിലും ആന്ധ്രാപ്രദേശിലും തങ്ങൾ ഇതിനകം ലാൻഡ് പാഴ്സലുകൾ ഏറ്റെടുത്തതായി എംഎസ്ആർഡിബി ഡയറക്ടർ രക്ഷ രാമയ്യ പറഞ്ഞു.
കർണാടകയിൽ എംഎസ്ആർഡിബിക്ക് നിലവിൽ രണ്ട് സംയോജിത ടൗൺഷിപ്പുകൾ ഉണ്ട്. കൂടാതെ കമ്പനി മൈസൂരിൽ 50 ഏക്കർ റെസിഡൻഷ്യൽ, പ്ലോട്ടഡ് ടൗൺഷിപ്പ് പ്രവർത്തിപ്പിക്കുന്നു. 2023-ഓടെ ആന്ധ്രാപ്രദേശിൽ 150 ഏക്കർ പാർപ്പിട, വ്യാവസായിക പദ്ധതികളുടെ വികസനം ആരംഭിക്കാൻ കമ്പനി പദ്ധതിയിടുന്നു.
ഇന്ത്യൻ റിയൽ എസ്റ്റേറ്റ് മേഖലയ്ക്കായി കമ്പനി ഇതിനകം 1,500 കോടി രൂപയുടെ നിക്ഷേപം നടത്തിയതായും, അടുത്ത 8-12 മാസത്തിനുള്ളിൽ വാണിജ്യ വിഭാഗത്തിൽ 1,100 കോടി രൂപ നിക്ഷേപിക്കാൻ ഉദ്ദേശിക്കുന്നതായും രക്ഷ രാമയ്യ പറഞ്ഞു.
