Alt Image
വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆ ചരിത്രം തിരുത്തി ഇന്ത്യൻ കയറ്റുമതി; ഒക്ടോബറിൽ 8990 കോടി ഡോളറിന്റെ സർവകാല റെക്കോർഡ് ◆

പുരപ്പുറത്ത് സോളർ സ്ഥാപിച്ചവർക്കുള്ള നെറ്റ് മീറ്റർ ഒരാഴ്ചയ്ക്കുള്ളിൽ എത്തിക്കൻ കെഎസ്ഇബി

തിരുവനന്തപുരം: പുരപ്പുറ സോളർ പ്ലാന്റ് സ്ഥാപിച്ചവർക്ക് ഒരാഴ്ചയ്ക്കുള്ളിൽ മുൻഗണനാ ക്രമത്തിൽ നെറ്റ് മീറ്റർ വിതരണം ചെയ്യുമെന്നു കെഎസ്ഇബി അറിയിച്ചു. മീറ്റർ വിതരണം ചെയ്യുന്നതിനു ടെൻഡർ ലഭിച്ച കമ്പനിയെ ഗോവ സർക്കാർ കരിമ്പട്ടികയിൽ ചേർത്തതിനാലാണ് മീറ്റർ ക്ഷാമം നേരിട്ടത്.

തുടർന്ന് ടെൻഡറിൽ രണ്ടാമതെത്തിയ ഷ്നൈഡർ എന്ന കമ്പനിയിൽ നിന്ന് 10,000 സിംഗിൾ ഫേസ് മീറ്ററും 30,000 ത്രീ ഫേസ് മീറ്ററും കെഎസ്ഇബി വാങ്ങിയിട്ടുണ്ട്.

ഇനി ഇവയുടെ ഗുണനിലവാര പരിശോധന നടത്താൻ രണ്ടോ മൂന്നാ ദിവസത്തെ സമയം ആവശ്യമുണ്ട്. അതു കഴിഞ്ഞാൽ വിവിധ സെക്‌ഷനുകളിലേക്ക് മീറ്റർ എത്തിക്കും. അവിടെ നിന്നു മുൻഗണനാ ക്രമം അനുസരിച്ച് മീറ്റർ വിതരണം ചെയ്യും.

അടുത്ത ഘട്ടത്തിൽ ക്ഷാമം ഉണ്ടാകാതിരിക്കാനായി 30,000 വീതം സിംഗിൾ, 3 ഫേസ് മീറ്ററുകൾക്ക് ഓർഡർ ചെയ്തിട്ടുണ്ടെന്നും കെഎസ്ഇബി അറിയിച്ചു.

സോളർ പ്ലാന്റ് സ്ഥാപിച്ച ആയിരക്കണക്കിന് ഉപയോക്താക്കൾ കെഎസ്ഇബി നെറ്റ് മീറ്റർ വിതരണം ചെയ്യാത്തതിനാൽ പ്രതിസന്ധിയിലായ വിവരം റിപ്പോർട്ട് ചെയ്തിരുന്നു.

X
Top