മുംബൈ: മഹാരാഷ്ട്രയിലെ റായ്ഗഡ് ജില്ലയിൽ 960 മെഗാവാട്ട് ഹൈഡ്രോ പമ്പ് സംഭരണ പദ്ധതി സ്ഥാപിക്കാൻ ഒരുങ്ങി ജെഎസ്ഡബ്ല്യു എനർജി. ഇതിനായി കമ്പനി മഹാരാഷ്ട്ര സർക്കാരുമായി കരാർ ഒപ്പുവച്ചു.
ഹൈഡ്രോ പമ്പ്ഡ് സ്റ്റോറേജ് എന്നത് പീക്കിംഗ് പവർ റിസർവ്, വിശ്വസനീയമായ ഗ്രിഡ് ഓപ്പറേഷൻ, എനർജി ബാലൻസിങ്, സ്റ്റോറേജ് കപ്പാസിറ്റി എന്നിവ നൽകുന്ന സുസ്ഥിരമായ സാങ്കേതികവിദ്യയാണെന്ന് ജെഎസ്ഡബ്ല്യു എനർജി പ്രസ്താവനയിൽ പറഞ്ഞു.
നിർദ്ദിഷ്ട പദ്ധതിയുടെ സാമ്പത്തിക വിവരങ്ങളൊന്നും കമ്പനി വെളിപ്പെടുത്തിയിട്ടില്ല. വൈദ്യുതി ഉൽപ്പാദനം, ട്രാൻസ്മിഷൻ, പവർ ട്രേഡിംഗ്, ഖനനം, ഉപകരണ നിർമ്മാണം എന്നീ മേഖലകളിൽ പ്രവർത്തിക്കുന്ന ഒരു പവർ കമ്പനിയാണ് ജെഎസ്ഡബ്ല്യു എനർജി ലിമിറ്റഡ്. കമ്പനി പ്രതിവർഷം 13,594 ദശലക്ഷം യൂണിറ്റ് വൈദ്യുതി ഉൽപ്പാദിപ്പിക്കുന്നു.
