Alt Image
യുഎസില്‍ ഇന്ത്യന്‍ തുണിത്തരങ്ങള്‍ക്ക് വീണ്ടും ഡിമാന്‍ഡ് ◆ ഇന്ത്യയിൽ സ്‍മാർട്ട്ഫോൺ വിൽപ്പനയിൽ 20% ഇടിവ്; ഏറ്റവും വലിയ തിരിച്ചടി ബജറ്റ് ഫോണുകൾക്ക് ◆ എല്‍പിജി ഇറക്കുമതി കുതിച്ചുയരുമെന്ന് മുന്നറിയിപ്പ് ◆ ഇന്ത്യയുടെ ക്രൂഡ് ഇറക്കുമതിച്ചെലവിൽ കുതിപ്പ്; 19.5 ബില്യൺ ഡോളറിന്റെ പർച്ചേസ് ◆ പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆

ജെകെ പേപ്പറിന്റെ അറ്റാദായം ഇരട്ടിയിലധികം വർധിച്ച് 264 കോടി രൂപയായി

മുംബൈ: 2022 ജൂണിൽ അവസാനിച്ച പാദത്തിൽ ജെകെ പേപ്പറിന്റെ ഏകീകൃത അറ്റാദായം ഇരട്ടിയിലധികം വർധിച്ച് 264.23 കോടി രൂപയായി. ഉയർന്ന വിൽപ്പന അളവും വർദ്ധിച്ച വിൽപ്പന സാക്ഷാത്കാരവും സഹായിച്ചതിനാലാണ് ഈ നേട്ടം കൈവരിക്കാൻ കഴിഞ്ഞതെന്ന് കമ്പനി അറിയിച്ചു. ഒരു വർഷം മുമ്പ് ഏപ്രിൽ-ജൂൺ കാലയളവിൽ കമ്പനി 104.22 കോടി രൂപയുടെ അറ്റാദായം നേടിയതായി ജെകെ പേപ്പർ റെഗുലേറ്ററി ഫയലിംഗിൽ പറഞ്ഞു.

പ്രസ്തുത പാദത്തിൽ പ്രവർത്തനങ്ങളിൽ നിന്നുള്ള വരുമാനം രണ്ട് മടങ്ങ് വർധിച്ച് 1,508.05 കോടി രൂപയായി. കഴിഞ്ഞ വർഷം ഇത് 720.08 കോടി രൂപയായിരുന്നു. കൂടാതെ ഈ കാലയളവിൽ ജെകെ പേപ്പറിന്റെ ആകെ ചെലവ് 546.65 കോടിയിൽ നിന്ന് 1,101.39 കോടി രൂപയായി വർധിച്ചു.

ഉയർന്ന ഉൽപ്പാദനത്തിന്റെയും വിൽപ്പന അളവിന്റെയും വർധിച്ച വിൽപന സാക്ഷാത്കാരവും സമ്പുഷ്ടമായ ഉൽപന്ന മിശ്രിതവും ചേർന്ന് മികച്ച പ്രകടനം കാഴ്ചവെക്കാൻ കമ്പനിക്ക് കഴിഞ്ഞതായി വൈസ് ചെയർമാനും മാനേജിംഗ് ഡയറക്ടറുമായ എച്ച് പി സിംഘാനിയ പറഞ്ഞു. പേപ്പറിനും ബോർഡിനുമുള്ള ആവശ്യം ശക്തമായി തുടരുന്നതായും, പുതിയ പാക്കേജിംഗ് ബോർഡ് ലൈൻ നന്നായി സ്ഥിരത കൈവരിക്കുകയും ഉയർന്ന ശേഷി വിനിയോഗം നേടുകയും ചെയ്തതായും സിംഘാനിയ കൂട്ടിച്ചേർത്തു.

X
Top