മികച്ച കാര്യക്ഷമതയും ഉയര്ന്ന ഇന്ധനക്ഷമതയും ഉറപ്പാക്കുന്ന ആക്ടീവ് സാങ്കേതികവിദ്യയോടെയുള്ള പുതിയ ഡീസല് വിപണികളില് എത്തിച്ച് ജിയോ ബി.പി.
സാധാരണ ഡീസലുകളെ അപേക്ഷിച്ച് 4.3 ശതമാനം മെച്ചപ്പെട്ട ഇന്ധനക്ഷമത ഈ ഡീസല് ഉറപ്പാക്കുമെന്നാണ് നിര്മാതാക്കള് അവകാശപ്പെടുന്നത്.
ഉയര്ന്ന ഇന്ധനക്ഷമത ഉറപ്പാക്കുന്നതിനാല് തന്നെ ചരക്ക് ഗതാഗത വാഹനങ്ങള്ക്ക് ആശ്രയിക്കാവുന്ന ഇന്ധനമാണിതെന്നാണ് ജിയോ ബി.പി. വിലയിരുത്തുന്നത്.
ഈ ഡീസല് ഉപയോഗിക്കുന്നതിലൂടെ പ്രതിവര്ഷം ഇന്ധന തുകയില് 1.1 ലക്ഷം രൂപ വരെ ലാഭിക്കാന് സാധിക്കുമെന്നാണ് കമ്പനി അഭിപ്രായപ്പെടുന്നത്.
ആക്ടീവ് ടെക്നോളജിയുള്ള ഈ പുതിയ ഹൈ പെര്ഫോമെന്സ് ഡീസല് ജിയോ ബി.പി. ഔട്ട്ലെറ്റുകളില് ലഭ്യമാകുമെന്നാണ് അറിയിച്ചിരിക്കുന്നത്.
ഇന്ത്യന് വിപണിയില് തന്നെ ആദ്യമായി ലഭ്യമാക്കുന്ന ഈ ഡീസല് അധിക തുക ഈടാക്കാതെ നിലവിലെ ഡീസലിന്റെ വിലയില് തന്നെ ലഭ്യമാക്കുന്നതാണ് മറ്റൊരു പ്രത്യേകത.
അഴുക് അടിഞ്ഞ് കൂടുന്നത് മൂലം എന്ജിന് ഘടകങ്ങളില് ഉണ്ടാകുന്ന തകരാറുകള് കുറയ്ക്കാന് സാഹായിക്കുമെന്നതാണ് മറ്റൊരു സവിശേഷതയായി പറയുന്നത്.
വൃത്തിയുള്ളതും വേഗതയേറിയതുമായ ഇന്ധനം നിറയ്ക്കുന്നതിന് സഹായിക്കുന്ന ആന്റി-ഫോം ഏജന്റ് ഇതില് അടങ്ങിയിട്ടുണ്ടെന്നാണ് ജിയോ-ബി.പി. അവകാശപ്പെടുന്നത്.