കൊച്ചി: ഇൻവെസ്റ്റ് കേരളയുടെ ഔദ്യോഗിക ഇന്റർനെറ്റ് പങ്കാളിയായി കെ ഫോണ്‍. 21, 22 തീയതികളില്‍ കൊച്ചിയില്‍ നടക്കുന്ന ഉച്ചകോടിക്ക് ഇന്റർനെറ്റ് കണക്ടിവിറ്റി കെ ഫോണ്‍ ഒരുക്കും.
കെ ഫോണ്‍ സേവനങ്ങള്‍ മനസിലാക്കാനും ആസ്വദിക്കാനും എക്സ്പീരിയൻസ് സോണും സ്ഥലത്തുണ്ടാകും. പുതിയ കെ ഫോണ്‍ കണക്ഷനും ലഭ്യമാക്കും.
ഇൻവെസ്റ്റ് കേരളയുടെ ഔദ്യോഗിക ഇന്റർനെറ്റ് പങ്കാളിയാകുന്നതില്‍ കെ ഫോണിന് അഭിമാനമുണ്ടെന്ന് പ്രിൻസിപ്പല്‍ സെക്രട്ടറിയും കെ ഫോണ്‍ മാനേജിംഗ് ഡയറക്ടറുമായ ഡോ. സന്തോഷ് ബാബു പറഞ്ഞു.
രാജ്യത്തിന് അഭിമാനമാകുന്ന തലത്തിലേക്ക് ഉയരുന്ന കെ ഫോണിന്റെ സേവനങ്ങള്‍ രാജ്യാന്തരതലത്തിലെത്തിക്കാൻ പരിപാടിയിലൂടെ സാധിക്കുമെന്ന് അദ്ദേഹം പറഞ്ഞു.
