ടോള് പ്ലാസ മാനേജ്മെന്റ് സേവനം നല്കുന്ന ഇന്നോവിഷന് ലിമിറ്റഡിന്റെ ഇനീഷ്യല് പബ്ലിക് ഓഫര് (ഐപിഒ) മാര്ച്ച് 10 ന് തുടങ്ങും. മാര്ച്ച് 12 വരെയാണ് ഈ ഐപിഒ സബ്സ്ക്രൈബ് ചെയ്യാവുന്നത്. 521-548 രൂപയാണ് ഇഷ്യു വില. 27 ഓഹരികള് ഉള്പ്പെട്ടതാണ് ഒരു ലോട്ട്. മാര്ച്ച് 13ന് ഓഹരികളുടെ അലോട്ട്മെന്റ് നടക്കും. മാര്ച്ച് 17ന് ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
323 കോടി രൂപയാണ് ഐപിഒ വഴി ഇന്നോവിഷന് സമാഹരിക്കുന്നത്. 255 കോടി രൂപയുടെ പുതിയ ഓഹരികളുടെ വില്പ്പനയും 68 കോടി രൂപയുടെ ഓഫര് ഫോര് സെയിലും (ഒഎഫ്എസ്) ഉള്പ്പെട്ടതാണ് ഐപിഒ. ഉയര്ന്ന ഇഷ്യു വിലയുടെ അടിസ്ഥാനത്തില് 1300 കോടി രൂപയായിരിക്കും കമ്പനിയുടെ വിപണിമൂല്യം.
ഐപിഒ വഴി സമാഹരിക്കുന്ന തുക കടം തിരിച്ചടക്കുന്നതിനും പ്രവര്ത്തന മൂലധമായും പൊതുവായ കോര്പ്പറേറ്റ് ആവശ്യങ്ങള്ക്കും വിനിയോഗിക്കും. ഐപിഒയുടെ ഒരു ശതമാനം നിക്ഷേപക സ്ഥാപനങ്ങള്ക്കും 34 ശതമാനം ഉയര്ന്ന ആസ്തിയുള്ള വ്യക്തികള്ക്കും 65 ശതമാനം ചില്ലറ നിക്ഷേപകര്ക്കും മാറ്റിവെച്ചിരിക്കുന്നു.
