ന്യൂഡല്ഹി: ഒക്ടോബര് 24 ന് അവസാനിച്ച ആഴ്ചയില് ഇന്ത്യയുടെ വിദേശ നാണ്യ ശേഖരം 6.92 ബില്യണ് ഡോളര് ഇടിഞ്ഞ് 695.36 ബില്യണ് ഡോളറായി. മുന് ആഴ്ചയില് ശേഖരം 4.496 ബില്യണ് ഡോളര് ഉയര്ന്ന് 702.28 ബില്യണ് ഡോളറായിരുന്നു. സ്വര്ണ്ണ ശേഖരത്തിന്റെ മൂല്യമുയര്ന്നതിനാലായിരുന്നു കുതിപ്പ്.
അവലോകന ആഴ്ചയില്, വിദേശ കറന്സി ആസ്തി 3.862 ബില്യണ് ഡോളര് ഇടിഞ്ഞ് 566.548 ബില്യണ് ഡോളറായപ്പോള് സ്വര്ണ്ണശേഖരം 3.01 ബില്യണ് ഡോളര് ഇടിഞ്ഞ് 105.536 ബില്യണ് ഡോളര്. സ്പെഷ്യല് ഡ്രോവിംഗ് റൈറ്റ്സ് (എസ്ഡിആര്) 58 ബില്യണ് ഡോളര് ഇടിഞ്ഞ് 18.664 ബില്യണ് ഡോളറും ഐഎംഎഫിലെ റിസര്വ് പൊസിഷന് 6 ദശലക്ഷം ഡോളര് ഉയര്ന്ന് 4.608 ബില്യണ് ഡോളറുമായി.
ശേഖരത്തിലെ പ്രധാന ഭാഗമായ വിദേശ നാണ്യ ആസ്തികള് വിവിധ കറന്സികളിലാണ് സൂക്ഷിക്കുന്നത്. അതുകൊണ്ടുതന്നെ ഈ കറന്സികള്ക്കെതിരെ യുഎസ് കറന്സിയുടെ മൂല്യം പ്രതിഫലിക്കപ്പെടും.
