മുംബൈ: ബജറ്റ് കാരിയര് ഗോ ഫസ്റ്റിന്റെ ട്വിറ്റര് ഹാന്ഡില് ഹാക്ക് ചെയ്യപ്പെട്ടു. അക്കൗണ്ട് പുനഃസ്ഥാപിക്കുന്നതിനുള്ള ശ്രമങ്ങള് തുടരുകയാണെന്ന് എയര്ലൈന് അറിയിക്കുന്നു. ഐടി സംവിധാനങ്ങളില് പ്രശ്നങ്ങളൊന്നുമില്ലെന്നും ലക്ഷത്തിലധികം ഫോളോവേഴ്സുള്ള അക്കൗണ്ട് പുനഃസ്ഥാപിക്കാനുള്ള പ്രവര്ത്തനങ്ങള് പുരോഗമിക്കുകയാണെന്നും ഉദ്യോഗസ്ഥനെ ഉദ്ദരിച്ച് സിഎന്ബിസി റിപ്പോര്ട്ട് ചെയ്തു.
പ്രശ്നം പരിഹരിക്കാന് ഐടി ടീം ട്വിറ്ററുമായി ചേര്ന്ന് പ്രവര്ത്തിക്കുന്നുണ്ട്.വിട്ടുവീഴ്ച ചെയ്യപ്പെട്ട ട്വിറ്റര് ഹാന്ഡിലിന്റെ ഡിസ്പ്ലേ ചിത്രം വിറ്റാലിക് ബ്യൂട്ടറിന്റേതാക്കി മാറ്റിയിരുന്നു. ക്രിപ്റ്റോകറന്സി എഥേരിയത്തിന്റെ സഹസ്ഥാപകരില് ഒരാളാണ് ബ്യൂട്ടറിന്.
ഡിസ്പ്ലേ പേര് വിറ്റാലിക് ഡോട്ട് ഇടിഎച്ച് എന്നാക്കി മാറ്റുകയും ചെയ്തു. ഇവ രണ്ടും നീക്കം ചെയ്തിട്ടുണ്ട്. ഇത് രണ്ടാം തവണയാണ് ഗോഫസ്റ്റിന്റെ ട്വിറ്റര് ഹാന്ഡില് ഹാക്ക് ചെയ്യപ്പെടുന്നത്.
കഴിഞ്ഞ മാസം, ആകാശ എയറിലെ ഉപഭോക്തൃ വിവരങ്ങളിലേയ്ക്ക് സ്വകാര്യ വ്യക്തികള് ആക്സസ് നേടിയിരുന്നു.
