കഴിഞ്ഞ ആറ് മാസ കാലമായി വിദേശ നിക്ഷേപക സ്ഥാപനങ്ങള് ഇന്ത്യന് വിപണിയില് അറ്റവില്പ്പന നടത്തിവരികയാണ്. അതേ സമയം 5 മേഖലകളില് അവ ഇപ്പോഴും `ബുള്ളിഷ്’ ആണ്.
ഈ മേഖലകളിലായി കഴിഞ്ഞ ആറ് മാസ കാലയളവില് വിദേശ നിക്ഷേപക സ്ഥാപനങ്ങള് 38,000 കോടി രൂപയാണ് നിക്ഷേപിച്ചത്.
കഴിഞ്ഞ ആറ് മാസത്തിനിടെ വിദേശ നിക്ഷേപക സ്ഥാപനങ്ങള് ഏറ്റവും ഉയര്ന്ന നിക്ഷേപം നടത്തിയത് കണ്സ്യൂമര് സര്വീസ് മേഖലയിലാണ്- 10,970 കോടി രൂപ. ഫെബ്രുവരി 15 വരെയുള്ള അറ്റനിക്ഷേപം ഉള്പ്പെടെയാണ് ഇത്.
ജനുവരി ഒഴികെ എല്ലാ മാസവും ഈ മേഖലയില് വിദേശ നിക്ഷേപക സ്ഥാപനങ്ങള് അറ്റനിക്ഷേപം നടത്തുകയാണ് ചെയ്തത്. ഓഗസ്റ്റ് മുതല് എഫ്എംസിജി മേഖലയില് 9936 കോടി രൂപയാണ് നിക്ഷേപിച്ചത്.
മെറ്റല്, മൈനിംഗ് മേഖലയില് 7270 കോടി രൂപ നിക്ഷേപിച്ചു. സെപ്റ്റംബറില് മാത്രമാണ് ഈ മേഖലയില് വിദേശ നിക്ഷേപക സ്ഥാപനങ്ങള് അറ്റവില്പ്പന നടത്തിയത്.
ഹെല്ത്ത്കെയര്, ഓട്ടോമൊബൈല് ആന്റ് ഓട്ടോകംപോണന്റ് എന്നിവയാണ് വിദേശ നിക്ഷേപക സ്ഥാപനങ്ങള് അറ്റനിക്ഷേപം നടത്തിയ മറ്റു മേഖലകള്.
ഈ മേഖലകളില് യഥാക്രമം 5511 കോടി രൂപയും 5139 കോടി രൂപയുമാണ് നിക്ഷേപിച്ചത്.
