ഏലൂർ: കേന്ദ്ര പൊതുമേഖലാ സ്ഥാപനമായ ഫാക്ട്, 2025-26 സാമ്പത്തിക വർഷത്തിന്റെ ആദ്യപാദത്തിൽ 68.82 കോടി രൂപ പ്രവർത്തന ലാഭവും 24.28 കോടി നികുതിക്കു ശേഷമുള്ള ലാഭവും രേഖപ്പെടുത്തി.
മുൻ സാമ്പത്തിക വർഷത്തിന്റെ ഇതേ പാദത്തിൽ യഥാക്രമം 10.55 കോടി നഷ്ടവും 48.67 കോടി നഷ്ടവും രേഖപ്പെടുത്തിയിരുന്നു.
2025-26 സാമ്പത്തിക വർഷത്തിന്റെ ആദ്യ പാദത്തിൽ കമ്പനി 1042.77 കോടി വിറ്റുവരവ് നേടി, മുൻ സാമ്പത്തിക വർഷത്തിന്റെ ഇതേ പാദത്തിൽ 599.58 കോടിയായിരുന്നു വിറ്റുവരവ്.
2025-26 സാമ്പത്തിക വർഷത്തിന്റെ ശേഷിക്കുന്ന കാലയളവിലും കമ്പനി ഉത്പാദനത്തിലും വിപണനത്തിലും ഇതേ വേഗത തുടരുമെന്ന് പ്രതീക്ഷിക്കുന്നതായി ഫാക്ട് മാനേജ്മെന്റ് അറിയിച്ചു.
