മുംബൈ: കഴിഞ്ഞ മാസത്തെ എസ്കോർട്ട്സ് കുബോട്ടയുടെ മൊത്തം ട്രാക്ടർ വിൽപ്പന 2021 സെപ്റ്റംബറിൽ വിറ്റ 8,816 യൂണിറ്റുകളിൽ നിന്ന് 38.7 ശതമാനം ഉയർന്ന് 12,232 യൂണിറ്റിലെത്തി. തുടർച്ചയായ അടിസ്ഥാനത്തിൽ 2022 സെപ്റ്റംബറിൽ ട്രാക്ടർ വിൽപ്പന 100.16 ശതമാനം ഉയർന്നു.
ആഭ്യന്തര ട്രാക്ടർ വിൽപ്പനയിൽ 42.7 ശതമാനത്തിന്റെ വളർച്ചയാണ് കമ്പനി രേഖപ്പെടുത്തിയത്. കൂടാതെ നിലവിലെ ഉത്സവ സീസണിൽ മികച്ച മുന്നേറ്റം തുടരുമെന്ന് കമ്പനി പ്രതീക്ഷിക്കുന്നു. അതേസമയം കയറ്റുമതി ട്രാക്ടർ വിൽപ്പന കഴിഞ്ഞ വർഷത്തെ 841 യൂണിറ്റിനെ അപേക്ഷിച്ച് 848 യൂണിറ്റായി ഉയർന്നു.
പ്രസ്തുത കാലയളവിൽ എസ്കോർട്ട്സ് കുബോട്ടയുടെ നിർമ്മാണ ഉപകരണ വിഭാഗം 390 മെഷീനുകളാണ് വിറ്റത്. അഗ്രി മെഷിനറി, കൺസ്ട്രക്ഷൻ, മെറ്റീരിയൽ ഹാൻഡ്ലിംഗ് ഉപകരണങ്ങൾ, റെയിൽവേ ഉപകരണങ്ങൾ തുടങ്ങിയ മേഖലകളിൽ പ്രവർത്തിക്കുന്ന ഒരു ഇന്ത്യൻ എഞ്ചിനീയറിംഗ് കമ്പനിയാണ് എസ്കോർട്ട്സ് ഗ്രൂപ്പ്.
എസ്കോർട്ട്സ് കുബോട്ടയുടെ ഓഹരികൾ ബിഎസ്ഇയിൽ 0.18 ശതമാനം ഇടിഞ്ഞ് 2,125.20 രൂപയിലെത്തി.
