മുംബൈ: ഡിജിറ്റൽ റൈറ്റ്‌സ് മാനേജ്‌മെന്റ് കമ്പനിയായ ഇഎൻടി ഗ്ലോബലിന്റെ 90 ശതമാനം ഓഹരികൾ വെളിപ്പെടുത്താത്ത തുകയ്ക്ക് ഏറ്റെടുത്ത് ഇറോസ് ഇൻവെസ്റ്റ്‌മെന്റ്സ്. ഇറോസ് മീഡിയ വേൾഡ്, ഇറോസ് നൗവ്, എക്സ്‌ഫിനിറ്റി മാസല്ലോ തുടങ്ങിയ വിനോദ, സാങ്കേതിക കമ്പനികളുടെ ഒരു പോർട്ട്‌ഫോളിയോ ആണ് ഇറോസ് ഇൻവെസ്റ്റ്‌മെന്റ്സ്.
ഈ ഏറ്റെടുക്കലിന് പുറമെ ബ്ലോക്ക്‌ചെയിൻ അധിഷ്‌ഠിത ഓപ്പറേറ്റിംഗ് സിസ്റ്റമായ L3COS-മായി സഹകരിച്ചതായും ഇറോസ് ഇൻവെസ്റ്റ്‌മെന്റ്സ് അറിയിച്ചു. ഈ പങ്കാളിത്തത്തിന് കീഴിൽ കമ്പനി ഫിയറ്റ്-ഓൺ-ചെയിൻ (FoC) എന്റർടൈൻമെന്റ് ഇക്കോസിസ്റ്റം ആരംഭിക്കും. ഇത് സ്രഷ്‌ടാക്കളെയും ആരാധകരെയും വിവിധ ഡിജിറ്റൽ ആസ്തികൾ വാങ്ങുന്നതിനും വിൽക്കുന്നതിനും ട്രേഡ് ചെയ്യുന്നതിനും നേരിട്ട് സംവദിക്കാൻ അനുവദിക്കും.
അതേപോലെ ക്രിപ്‌റ്റോയെ ദൈനംദിന ഉപയോഗത്തിലേക്ക് കൊണ്ടുവരുന്നതിനും ആഗോളതലത്തിലെ ഉപയോക്തൃ അടിത്തറ വർദ്ധിപ്പിക്കുന്നതിനും ഈ സഹകരണം കമ്പനിയെ സഹായിക്കും. കൂടാതെ സെലിബ്രിറ്റികൾക്കും സ്രഷ്‌ടാക്കൾക്കുമുള്ള നേറ്റീവ് മാർക്കറ്റ്‌പ്ലേസായ ക്ലോസ്ഡ് ലൂപ്പ് ഉടൻ സജീവമാകുമെന്ന് കമ്പനി അറിയിച്ചു.
