ഡൽഹി: അടുത്ത 3-4 വർഷത്തിനുള്ളിൽ 7.1 ദശലക്ഷം ചതുരശ്ര അടി വികസിപ്പിക്കുന്നതിനായി 3,200 കോടി രൂപ നിക്ഷേപിക്കാൻ കമ്പനി പദ്ധതിയിടുന്നതായി എംബസി ആർഇഐടി സിഇഒ വികാസ് ഖദ്ലോയ പറഞ്ഞു.
ബംഗളൂരുവിൽ വികസിപ്പിച്ചുകൊണ്ടിരിക്കുന്ന ഈ പദ്ധതികൾ, കമ്പനിയുടെ അറ്റ പ്രവർത്തന വരുമാനത്തിലേക്ക് 800 കോടിയിലധികം രൂപ സംഭാവന ചെയ്യുമെന്ന് പ്രതീക്ഷിക്കുന്നു. കൂടാതെ എംബസി സ്പോൺസറിൽ നിന്നും ബെംഗളൂരുവിലെയും ചെന്നൈയിലെയും അതിന്റെ അനുബന്ധ സ്ഥാപനങ്ങളിൽ നിന്നും രണ്ട് ഓഫീസ് കെട്ടിടങ്ങൾ വാങ്ങുന്നതിനുള്ള നോൺ-ബൈൻഡിംഗ് കരാറുകളും ആർഇഐടി ഒപ്പുവച്ചിട്ടുണ്ട്.
പ്രോപ്പർട്ടികൾ മൊത്തം 7.1 ദശലക്ഷം ചതുരശ്ര അടി പാട്ടത്തിനെടുക്കാവുന്ന വിസ്തീർണ്ണം വാഗ്ദാനം ചെയ്യുന്നു. ക്യാമ്പസ് വികസനത്തിലൂടെയും ഏറ്റെടുക്കലുകളിലൂടെയും വളർച്ചയെ കൂടുതൽ ത്വരിതപ്പെടുത്തുന്നതിലാണ് തങ്ങൾ ശ്രദ്ധ കേന്ദ്രീകരിക്കുന്നതെന്ന് ഖദ്ലോയ പറഞ്ഞു.
ഇതിന്റ ഭാഗമായി ബെംഗളൂരുവിലെ എംബസി ബിസിനസ് ഹബ്ബിൽ 2.1 ദശലക്ഷം ചതുരശ്ര അടിയുടെ ഓഫീസ് വികസനം ഏറ്റെടുക്കാനും സ്ഥാപനം ഉദ്ദേശിക്കുന്നു.
