ന്യൂഡല്ഹി: പ്രമുഖ വാഹന നിര്മ്മാണ കമ്പനിയായ ഐഷര് മോട്ടോഴ്സ് 740.84 കോടി രൂപയുടെ അറ്റാദായം ഡിസംബര് പാദത്തില് രേഖപ്പെടുത്തി. മുന്പാദത്തെ അപേക്ഷിച്ച് 62.41 ശതമാനം കൂടുതലാണിത്.
വരുമാനം 29.17 ശതമാനം ഉയര്ന്ന് 3721 കോടി രൂപയായിട്ടുണ്ട്. ആദ്യ ഒന്പത് മാസത്തെ സ്റ്റാന്റലോണ് വില്പന അളവ് 6.09 ശതമാനം ഉയര്ന്ന് 4.16 ലക്ഷം യൂണിറ്റുകളായി.
എബിറ്റ മാര്ജിന് 19.6 ശതമാനത്തില് നിന്നും 23.9 ശതമാനമായി ഉയര്ന്നപ്പോള് കാഷ് അറ്റ ഹാന്റ് 9120 കോടി രൂപയായി. നേരത്തെയിത് 7215 കോടി രൂപയായിരുന്നു.
അതേസമയം കമ്പനി ഓഹരി 2.37 ശതമാനം താഴ്ന്ന് 3175.70 രൂപയിലാണ് ക്ലോസ് ചെയ്തത്.
