Alt Image
പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆ യുപിഐ എംഡിആർ നിരക്കുകൾ വീണ്ടും വൈകിയേക്കും; നടപ്പിലാക്കുന്ന തീയതിയിൽ സമവായത്തിലെത്താതെ സർക്കാറും ആർബിഐയും ◆ വായ്പാ തട്ടിപ്പ് കേസ്: ചന്ദ കൊച്ചാറിനെ പ്രോസിക്യൂട്ട് ചെയ്യാനുള്ള അനുമതി ബോംബെ ഹൈക്കോടതി റദ്ദാക്കി ◆ അരിയുടെയും മറ്റ് ഭക്ഷ്യധാന്യങ്ങളുടെയും വില നിയന്ത്രിക്കും; സ്ഥിരം വിലസ്ഥിരതാ പദ്ധതിയുമായി കേരള സര്‍ക്കാര്‍ ◆ കേരളത്തിൽ ഭക്ഷ്യവിലക്കയറ്റം ദേശീയ ശരാശരിക്കും മുകളിൽ ◆

ഡീപ്സീക്ക് എഐ ആപ്പ് ഡൗൺലോഡിൽ ഒന്നാമത്

ന്യൂഡൽഹി: ലോകത്ത് തരംഗമായിക്കൊണ്ടിരിക്കുന്ന ഡീപ്പ്സീക്ക് എഐ അസിസ്റ്റന്‍റ് ഏറ്റവുമധികം ഡൗണ്‍ലോഡ് ചെയ്യപ്പെട്ടത് ഇന്ത്യയിലാണെന്ന് റിപ്പോർട്ട്.

ഈ മാസം 26ന് ആപ്പിൾ ആപ്പ് സ്റ്റേറിൽ ഒന്നാം സ്ഥാനത്തേക്ക് ഉയർന്ന എഐ ചാറ്റ്ബോട്ട് ഇപ്പോഴും സ്ഥാനം നിലനിർത്തുകയാണ്.

ആൻഡ്രോയ്ഡിലും ഐഫോണിലും ഏറ്റവുമധികം ഡൗണ്‍ലോഡ് ചെയ്യപ്പെടുന്ന ആപ്പ് ആണിത്. മൊത്തം ഡൗണ്‍ലോഡുകളുടെ 15.6 ശതമാനവും ഇന്ത്യയിൽനിന്നാണ്.

ഭീമമായ മുതൽമുടക്കില്ലാതെതന്നെ ജനകീയ ആപ്പുകൾ നിർമിക്കാനാവുമെന്നാണ് ഡീപ്പ്സീക്കിന്‍റെ വിജയത്തിലൂടെ തെളിയുന്നത്. യുഎസിലെ ആൽഫബെറ്റ് ഇൻകോർപറേറ്റഡിന്‍റെ ആൻഡ്രോയ്ഡ് പ്ലേ സ്റ്റോറിലും ഒന്നാം സ്ഥാനത്താണ് ആപ്പ്.

പുറത്തിറങ്ങി ആദ്യ 18 ദിവസത്തിനുള്ളിൽതന്നെ 16 മില്യണ്‍ ഡൗണ്‍ലോഡുകൾ എന്ന സംഖ്യയിലേക്കാണ് ഡീപ്പ്സീക്ക് കുതിച്ചെത്തിയത്. ഇത് ആദ്യദിവസങ്ങളിൽ ഓപ്പണ്‍ എഐയുടെ ചാറ്റ്ബോട്ട് നേടിയ ഒൻപത് മില്യണ്‍ എന്ന റിക്കാർഡിനെ കടത്തിവെട്ടുന്ന പ്രതികരണമാണ്.

എന്നിരുന്നാലും മൊത്തം ഉപയോക്താക്കളുടെ എണ്ണമെടുക്കുന്പോൾ ചാറ്റ്ബോട്ട് തന്നെയാണ് മുൻപന്തിയിൽ. സൈബർ സുരക്ഷാകാരണങ്ങൾ മുൻനിർത്തി പല കമ്പനികളും സർക്കാരുകളും ഡീപ്പ്സീക്കിനെ ബ്ലോക്ക് ചെയ്യുന്നത് ആപ്പിനെ ഭാവിമുന്നേറ്റത്തിന് വിലങ്ങുതടിയാണ്.

X
Top