റിസർവ് ബാങ്ക് ഓഫ് ഇന്ത്യ പുറത്തുവിട്ട ഏറ്റവും പുതിയ കണക്കുകൾ പ്രകാരം, പുതിയ വരിക്കാരുടെ ശക്തമായ വർദ്ധനവിനെത്തുടർന്ന് ഇന്ത്യയിലെ സജീവമായ ക്രെഡിറ്റ് കാർഡുകളുടെ എണ്ണം മെയ് മാസത്തിൽ 12 കോടി പിന്നിട്ടു. പുതുതായി 10.2 ലക്ഷം കാർഡുകൾ വിപണിയിലെത്തുകയും ചെയ്തു. മുൻ വർഷത്തെ അപേക്ഷിച്ച് പുതിയ കാർഡുകളുടെ എണ്ണത്തിൽ 34 ശതമാനം വാർഷിക വളർച്ചയാണിത്. അതേസമയം, കാർഡുകൾ വഴിയുള്ള ആകെ ചിലവഴിക്കൽ നിരക്കിൽ ഇന്ത്യക്കാർ ഇപ്പോഴും പിന്നിലാണെന്നാണ് കണക്കുകൾ വ്യക്തമാക്കുന്നത്. മെയ് മാസത്തിലെ ആകെ ചിലവഴിക്കൽ തുക 2.02 ലക്ഷം കോടി രൂപയായി. 6.3 ശതമാനം മാത്രമാണ് പണം ചെലവഴിക്കൽ ഇനത്തിലെ വളർച്ച.
