ഡൽഹി: 2022 ജൂൺ പാദത്തിൽ ഏകീകൃത നഷ്ടം 187.99 കോടി രൂപയായി കുറഞ്ഞതായി ബിഛ്ഇഎൽ വ്യാഴാഴ്ച അറിയിച്ചു. കഴിഞ്ഞ വർഷം ഇതേ പാദത്തിൽ 447.48 കോടി രൂപയുടെ അറ്റ നഷ്ടമാണ് ഭാരത് ഹെവി ഇലക്ട്രിക്കൽസ് രേഖപ്പെടുത്തിയിരുന്നത്. ഫല പ്രഖ്യാപനത്തിന് പിന്നാലെ വ്യാഴാഴ്ച കമ്പനിയുടെ ഓഹരികൾ 1.03 ശതമാനത്തിന്റെ നഷ്ടത്തിൽ 52.65 രൂപയിലാണ് വ്യാപാരം അവസാനിപ്പിച്ചത്.
അതേസമയം കഴിഞ്ഞ വർഷം ഇതേ പാദത്തിലെ 2,723.82 കോടി രൂപയുമായി താരതമ്യം ചെയ്യുമ്പോൾ ജൂൺ പാദത്തിൽ കമ്പനിയുടെ വിൽപ്പന 63.35 ശതമാനം വർധിച്ച് 4,449.49 കോടി രൂപയായി ഉയർന്നു. ഊർജ്ജവുമായി ബന്ധപ്പെട്ട/അടിസ്ഥാന സൗകര്യ മേഖലയിലെ ഇന്ത്യയിലെ ഏറ്റവും വലിയ എഞ്ചിനീയറിംഗ്, മാനുഫാക്ചറിംഗ് എന്റർപ്രൈസാണ് ഭാരത് ഹെവി ഇലക്ട്രിക്കൽസ് ലിമിറ്റഡ് (BHEL).
