Alt Image
യുഎസില്‍ ഇന്ത്യന്‍ തുണിത്തരങ്ങള്‍ക്ക് വീണ്ടും ഡിമാന്‍ഡ് ◆ ഇന്ത്യയിൽ സ്‍മാർട്ട്ഫോൺ വിൽപ്പനയിൽ 20% ഇടിവ്; ഏറ്റവും വലിയ തിരിച്ചടി ബജറ്റ് ഫോണുകൾക്ക് ◆ എല്‍പിജി ഇറക്കുമതി കുതിച്ചുയരുമെന്ന് മുന്നറിയിപ്പ് ◆ ഇന്ത്യയുടെ ക്രൂഡ് ഇറക്കുമതിച്ചെലവിൽ കുതിപ്പ്; 19.5 ബില്യൺ ഡോളറിന്റെ പർച്ചേസ് ◆ പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆

കൊച്ചിയില്‍ ഡിജിറ്റല്‍ ഇന്നൊവേഷന്‍ സെന്‍ററുമായി എയര്‍ ഇന്ത്യ

കൊച്ചി: മുന്‍നിര വിമാനക്കമ്പനിയായ എയര്‍ ഇന്ത്യയുടെ കൊച്ചിയിലെ പുതിയ ഡിജിറ്റല്‍ ഇന്നൊവേഷന്‍ കേന്ദ്രം എയര്‍ ഇന്ത്യ ചെയര്‍മാന്‍ കൂടിയായ ടാറ്റാ ഗ്രൂപ് ചെയര്‍മാന്‍ എന്‍. ചന്ദ്രശേഖരന്‍ ഉദ്ഘാടനം ചെയ്തു.

ഡിജിറ്റല്‍ ടച്ച് പോയന്‍റ് സാങ്കേതികവിദ്യകളും അത്യാധുനിക േഡറ്റ, നിര്‍മിതബുദ്ധി സൗകര്യങ്ങളും വികസിപ്പിച്ച് എയര്‍ ഇന്ത്യയെ ആധുനിക- ലോകോത്തര നിലവാരത്തിലുള്ള എയര്‍ലൈന്‍ ആക്കുന്നതില്‍ ഈ കേന്ദ്രം ശ്രദ്ധ പതിപ്പിക്കും.

കൊച്ചി ഇന്‍ഫോപാര്‍ക്ക് ഫേസ് രണ്ടിലെ കാസ്പിയന്‍ ടെക്പാര്‍ക്കിലാണ് എയര്‍ ഇന്ത്യയുടെ ഡിജിറ്റല്‍ ഇന്നൊവേഷന്‍ സെന്‍റര്‍ പ്രവര്‍ത്തിക്കുന്നത്. ഇന്ത്യയിലെ നൂതന സംവിധാനങ്ങളെ കൂടുതല്‍ ശക്തിപ്പെടുത്താന്‍ സെന്‍റര്‍ സഹായിക്കുമെന്ന് എയര്‍ ഇന്ത്യ മാനേജിങ് ഡയറക്ടറും സി.ഇ.ഒയുമായ കാംപ്‌ബെല്‍ വില്‍സണ്‍ പറഞ്ഞു.

ചീഫ് ഡിജിറ്റല്‍ ആൻഡ് ടെക്‌നോളജി ഓഫിസര്‍ ഡോ. സത്യ രാമസ്വാമി, ഗവേണന്‍സ് റെഗുലേറ്ററി കോംപ്ലിയന്‍സ് കോര്‍പറേറ്റ് അഫയേഴ്‌സ് ഗ്രൂപ് മേധാവി പി. ബാലാജി തുടങ്ങിയവരും പങ്കെടുത്തു.

X
Top