ജയ്പുർ: രാജസ്ഥാനിൽ വമ്പൻ നിക്ഷേപത്തിനൊരുങ്ങി അദാനി ഗ്രൂപ്പ്. സിമന്റ്, റിന്യൂവബിൾ എനർജി തുടങ്ങി വിവിധ മേഖലകളിലായി 7.5 ലക്ഷം കോടി രൂപയാണു നിക്ഷേപിക്കുക.
അഞ്ചു വർഷത്തിനുള്ളിൽ 50% നിക്ഷേപം നടത്തുമെന്ന് റൈസിങ് രാജസ്ഥാൻ ഉച്ചകോടിയിൽ അദാനി പോർട്സ് ആൻഡ് സെസ് കരൺ അദാനി വ്യക്തമാക്കി.
ലോകത്തിലെ ഏറ്റവും വലിയ ഇന്റഗ്രേറ്റഡ് ഗ്രീൻ എനർജി ഇക്കോ സിസ്റ്റം സ്ഥാപിക്കുകയാണു ലക്ഷ്യം. സിമന്റ് പ്ലാന്റുകൾ സ്ഥാപിക്കുന്നതിനും പദ്ധതിയുണ്ട്.
ലോജിസ്റ്റിക്സ് പാർക്ക് അടക്കമുള്ള പദ്ധതികളിലും നിക്ഷേപിക്കും.
