മുംബൈ: ക്രിസ്റ്റഫർ സ്മിത്തിനെ കമ്പനിയുടെ ഓസ്‌ട്രേലിയ, ന്യൂസിലൻഡ് പ്രവർത്തനങ്ങളുടെ മാനേജിംഗ് ഡയറക്ടറായി നിയമിച്ച് ഇന്ത്യൻ ഐടി, കൺസൾട്ടിംഗ് കമ്പനിയായ വിപ്രോ. ക്രിസ്റ്റഫറിന് യുഎസ്എ, യൂറോപ്പ്, ഏഷ്യ, ഓസ്‌ട്രേലിയ എന്നിവിടങ്ങളിൽ രണ്ട് പതിറ്റാണ്ടിലേറെയായുള്ള ഐടി, ടെലികമ്മ്യൂണിക്കേഷൻ പ്രവർത്തിപരിചയമുണ്ട്.
ഓസ്‌ട്രേലിയയിലെ ഏറ്റവും വലിയ ടെക്‌നോളജി സേവന കമ്പനിയായ ടെൽസ്‌ട്രായിൽ നിന്നാണ് ക്രിസ്റ്റഫർ വിപ്രോയിൽ ചേർന്നത്. അദ്ദേഹത്തിന്റെ ആഗോള അനുഭവം, ആഴത്തിലുള്ള പ്രാദേശിക വിപണി പരിജ്ഞാനം, ഉയർന്ന വളർച്ചയിലെ ശ്രദ്ധേയമായ ട്രാക്ക് റെക്കോർഡ്, ക്ലയന്റ് ബന്ധങ്ങൾ എന്നിവ വിപ്രോയെ കൂടുതൽ വളരാൻ സഹായിക്കുമെന്ന് വിപ്രോ എപിഎംഇഎ ചീഫ് എക്സിക്യൂട്ടീവ് ഓഫീസറായ അനീസ് ചെഞ്ച പറഞ്ഞു.
ക്രിസ്റ്റഫർ യൂണിവേഴ്സിറ്റി ഓഫ് ന്യൂ സൗത്ത് വെയിൽസിൽ (UNSW) നിന്ന് ഇലക്ട്രിക്കൽ എഞ്ചിനീയറിംഗ് ബിരുദവും ഓസ്ട്രേലിയൻ ഗ്രാജുവേറ്റ് സ്കൂൾ ഓഫ് മാനേജ്മെന്റിൽ (AGSM) നിന്ന് എക്സിക്യൂട്ടീവ് എംബിഎയും നേടിയിട്ടുണ്ട്. കൂടാതെ അദ്ദേഹം വിപ്രോ ഓസ്‌ട്രേലിയയിൽ 20 വർഷത്തിലേറെയായി പ്രവർത്തിക്കുന്നു.
ക്ലയന്റുകളുടെ ഏറ്റവും സങ്കീർണ്ണമായ ഡിജിറ്റൽ പരിവർത്തന ആവശ്യങ്ങൾ പരിഹരിക്കുന്ന നൂതനമായ പരിഹാരങ്ങൾ നിർമ്മിക്കുന്നതിൽ ശ്രദ്ധ കേന്ദ്രീകരിക്കുന്ന ഒരു പ്രമുഖ സാങ്കേതിക സേവന കൺസൾട്ടിംഗ് കമ്പനിയാണ് വിപ്രോ.
