Alt Image
1.11 ലക്ഷം കോടി ചെലവുള്ള ഇന്ത്യയുടെ രണ്ട് വൻ അന്തർവാഹിനി പദ്ധതികൾക്ക് അന്തിമാനുമതി ഉടൻ ◆ ആഗോള സ്വർണശക്തിയാകാൻ ഇന്ത്യ; പദ്ധതിയുടെ രൂപരേഖ നിതി ആയോഗ് വൈകാതെ അവതരിപ്പിച്ചേക്കും ◆ മൊത്തവില സൂചിക 12.29 ശതമാനമായി ഉയർന്നു ◆ ആഗോള ഡീസൽ ക്ഷാമം: ഇന്ത്യൻ എണ്ണശുദ്ധീകരണ കമ്പനികൾക്ക് നേട്ടമാകുമെന്ന് റിപ്പോർട്ട് ◆ ബിസിനസ് വളർച്ചയിൽ തിളങ്ങി കേരള ബാങ്കുകൾ ◆

നിരാശജനകമായ നാലാംപാദ പ്രകടനം നടത്തി വോള്‍ട്ടാസ്

ന്യൂഡല്‍ഹി: നിരാശാജനകമായ നാലാംപാദ ഫലം പുറത്തുവിട്ട് വോള്‍ട്ടാസ്. 143.92 കോടി രൂപയാണ് കമ്പനി രേഖപ്പെടുത്തിയ അറ്റാദായം. മുന്‍വര്‍ഷത്തെ സമാന പാദത്തെ അപേക്ഷിച്ച് 21.2 ശതമാനം കുറവ്.

വരുമാനം 10.88 ശതമാനം ഉയര്‍ന്ന് 2957 കോടി രൂപയായപ്പോള്‍ എബിറ്റ 16.4 ശതമാനം താഴ്ന്ന് 218.2 കോടി രൂപയിലെത്തി. മാര്‍ജിന്‍ 240 ബേസിസ് പോയിന്റ് താഴ്ന്ന് 7.4 ശതമാനത്തിലൊതുങ്ങി.

മോശം മാര്‍ച്ച് പാദ പ്രവര്‍ത്തനഫലത്തെ തുടര്‍ന്ന് കമ്പനി ഓഹരി താഴ്ച വരിച്ചിട്ടുണ്ട്. 5 ശതമാനം ഇടിവ് നേരിട്ട് 812.30 രൂപയിലായിരുന്നു ക്ലോസിംഗ്. ഗോള്‍ഡ്മാന്‍ സാക്ക്സ് ഓഹരി വില്‍ക്കാന്‍ നിര്‍ദ്ദേശിച്ചു.

എബിറ്റയും വരുമാനവും പ്രതീക്ഷയ്ക്കൊത്തുയര്‍ന്നില്ലെന്ന് ബ്രോക്കറേജ് വിലയിരുത്തുന്നു. യഥാക്രമം 9 ശതമാനം,28 ശതമാനം വളര്‍ച്ചയാണ് ഈയിനത്തില്‍ പ്രതീക്ഷിച്ചിരുന്നത്. വിപണി വിഹിതം ചുരുങ്ങുന്നതായും അനലിസ്റ്റുകള്‍ കണ്ടെത്തുന്നു.

X
Top