കൊച്ചി: സോൾസ്മാർട്ട് എന്ന പേരിൽ ഓൺ-ഗ്രിഡ് സോളാർ പവർ ഇൻവെർട്ടറുകളുടെ പുതിയ ശ്രേണി പുറത്തിറക്കി വി-ഗാർഡ് ഇൻഡസ്ട്രീസ് ലിമിറ്റഡ്. അത്യാധുനിക സാങ്കേതികവിദ്യയും കരുത്തുറ്റ സുരക്ഷയും നിരീക്ഷണ സവിശേഷതകളും ചേർന്ന പവർ ഇലക്ട്രോണിക്സിലെ കമ്പനിയുടെ വൈദഗ്ദ്ധ്യം മേൽക്കൂരയിലെ സോളാർ, പരമ്പരാഗത സോളാർ പാനലുകൾ എന്നിവയ്ക്ക് അനുയോജ്യമായ സോൾസ്മാർട്ട് ഓൺ-ഗ്രിഡ് ഇൻവെർട്ടറിന്റെ സമാരംഭം പ്രാപ്തമാക്കിയതായും, ഉൽപ്പന്നത്തിന് 98.4 ശതമാനം കാര്യക്ഷമതയുള്ളതായും ഇത് വൈദ്യുതി ബില്ലുകൾ കുറയ്ക്കാൻ സഹായിക്കുമെന്നും കമ്പനി ഒരു പ്രസ്താവനയിൽ പറഞ്ഞു.
സോൾസ്മാർട്ട് ഓൺ-ഗ്രിഡ് പിവി ഇൻവെർട്ടർ നൂതന സുരക്ഷാ ഫീച്ചറുകളോടെയാണ് വിപണിയിൽ വരുന്നത്, ഇതിൽ കൂടുതൽ സുരക്ഷാ ആനുകൂല്യങ്ങൾ നൽകുന്ന ഇന്റഗ്രേറ്റഡ് ഡിസി സ്വിച്ച് ഉൾപ്പെടുന്നു. 10 വർഷത്തെ വാറന്റിയുമായി വരുന്ന ഇൻവെർട്ടർ സിംഗിൾ, ത്രീ-ഫേസ് മോഡലുകളിൽ ലഭ്യമാണ്. പരിസ്ഥിതി സൗഹൃദ ഉൽപന്നങ്ങൾ സൃഷ്ടിക്കുന്നതിനും സുസ്ഥിര ഊർജ പരിഹാരങ്ങൾ പ്രോത്സാഹിപ്പിക്കുന്നതിനും ഉത്തരവാദിത്തമുള്ള കോർപ്പറേറ്റ് സ്ഥാപനമെന്ന നിലയിലാണ് തങ്ങൾ പ്രവർത്തിക്കുന്നതെന്ന് വി-ഗാർഡ് ഇൻഡസ്ട്രീസ് മാനേജിംഗ് ഡയറക്ടർ മിഥുൻ ചിറ്റിലപ്പിള്ളി പറഞ്ഞു.
