ന്യൂഡല്‍ഹി: രാജ്യത്തെ ഏറ്റവും വലിയ സിമന്റ് കമ്പനിയായ അള്‍ട്രാടെക് ഒന്നാംപാദ ഫലങ്ങള്‍ പ്രഖ്യാപിച്ചു. 1690 കോടി രൂപയാണ് അറ്റാദായം. മുന്‍വര്‍ഷത്തെ സമാന പാദത്തെ അപേക്ഷിച്ച് 6.8 ശതമാനം കൂടുതലാണിത്.
തുടര്‍ച്ചയായി 1.19 ശതമാനവും വര്‍ദ്ധിച്ചു.ആദിത്യ ബിര്‍ള ഗ്രൂപ്പ് കമ്പനി 17737.1 കോടി രൂപ വരുമാനം നേടിയപ്പോള്‍ എബിറ്റ മാര്‍ജിന്‍ 20.4 ശതമാനമായി. വരുമാനം മുന്‍വര്‍ഷത്തെ സമാന പാദത്തെ അപേക്ഷിച്ച് 17.2 ശതമാനം വര്‍ദ്ധിച്ചെങ്കിലും ഇബിറ്റ മാര്‍ജിന്‍ 320 ബേസിസ് പോയിന്‌റ് കുറഞ്ഞിട്ടുണ്ട്.
കമ്പനിയുടെ പ്രധാന ബിസിനസായ േ്രഗ സിമന്റ് വില്‍പന 2.83 ശതമാനം കുറഞ്ഞ് 5350 മില്യണ്‍ ടണ്ണായി. മൊത്തം വില്‍പന 29.96 മില്യണ്‍ ടണ്ണായി വാര്‍ഷികാടിസ്ഥാനത്തില്‍ കൂടുകയും ചെയ്തു. അസംസ്‌കൃത വസ്തു, ഊര്‍ജ്ജ ചെലവുകള്‍ യഥാക്രമം 6 ശതമാനവും 3 ശതമാനവും ഉയര്‍ന്നു.
ഇത് ബ്രോക്കറേജുകള്‍ പ്രതീക്ഷിച്ചതിലും കൂടുതലാണ്.
