മുംബൈ: തങ്ങളുടെ രണ്ട് ദക്ഷിണാഫ്രിക്കൻ സംയുക്ത സംരംഭങ്ങളായ ടെക് മഹീന്ദ്ര സൗത്ത് (പിടി) ലിമിറ്റഡ്, ടെക് മഹീന്ദ്ര ഹോൾഡ്കോ പിടി ലിമിറ്റഡ് എന്നിവയിലെ മുഴുവൻ ഓഹരികളും ഏകദേശം 30 കോടി രൂപയ്ക്ക് ഏറ്റെടുത്തതായി ടെക് മഹീന്ദ്ര അറിയിച്ചു.
സംയുക്ത സംരംഭത്തിൽ നിന്ന് പുറത്തുപോകുന്ന പങ്കാളിയായ ഫാൽകോർപ്പ് ടെക്നോളജീസിൽ നിന്ന് ടെക് മഹീന്ദ്ര സൗത്തിലെ (പിടി) 49 ശതമാനം മഹീന്ദ്ര ഹോൾഡ്കോ പിടി ലിമിറ്റഡിന്റെ 4 ശതമാനം എന്നിങ്ങനെ ഓഹരി ഏറ്റെടുത്തതായി കമ്പനി ഒരു ബിഎസ്ഇ ഫയലിംഗിൽ അറിയിച്ചു.
62 മില്യൺ ദക്ഷിണാഫ്രിക്കൻ റാൻഡിന്റെ അല്ലെങ്കിൽ ഏകദേശം 29.69 കോടി രൂപയുടെ പണമിടപാടിലാണ് ഈ രണ്ട് കമ്പനികളിലെയും ഓഹരികൾ ഏറ്റെടുത്തതെന്ന് ടെക് മഹീന്ദ്ര ഫയലിംഗിൽ പറഞ്ഞു. ഒരു ഇന്ത്യൻ മൾട്ടിനാഷണൽ ഇൻഫർമേഷൻ ടെക്നോളജി സേവന കൺസൾട്ടിംഗ് കമ്പനിയാണ് മഹീന്ദ്ര ഗ്രൂപ്പിന്റെ ഭാഗമായ ടെക് മഹീന്ദ്ര ലിമിറ്റഡ്.
