ഡിജിറ്റല്‍ രൂപ വിപ്ലവകരമെന്ന് എസ്ബിഐ ചെയര്‍മാന്‍അര്‍ബന്‍ കോ-ഓപ്പറേറ്റീവ് ബാങ്കുകള്‍ക്കായി നാല് തല നിയന്ത്രണ ചട്ടക്കൂട് പ്രഖ്യാപിച്ച് ആര്‍ബിഐനിരക്ക് വര്‍ധന: തോത് കുറയ്ക്കണമെന്ന ആവശ്യവുമായി അസോചംസംസ്ഥാനങ്ങളുടെ കടമെടുപ്പ് ശേഷി പരിമിതപ്പെടുത്താന്‍ കേന്ദ്രംജിഎസ്ടി വരുമാനം 1.45 ലക്ഷം കോടി രൂപ

ബിസ്ലേരിയുടെ പങ്ക് നേടാന്‍ ടാറ്റ കണ്‍സ്യൂമര്‍ പ്രൊഡക്ട്‌സ്, നേട്ടമുണ്ടാക്കി ഓഹരി

ന്യൂഡല്‍ഹി: ബിസ്ലേരി ഇന്റര്‍നാഷണല്‍ ചെയര്‍മാന്റെ പ്രസ്താവന ടാറ്റ കണ്‍സ്യൂമര്‍ പ്രൊഡക്ട്‌സ് ഓഹരിയെ ഉയര്‍ത്തി. ഓഹരി വില്‍പനയ്ക്കായി ടാറ്റ ഗ്രൂപ്പ് എഫ്എംസിജിയുമായി ചര്‍ച്ചയിലാണെന്ന് ബിസ്ലേരി ചെയര്‍മാന്‍ രമേശ് ചൗഹാന്‍ അറിയിക്കുകയായിരുന്നു.തുടര്‍ന്ന് ടാറ്റ കണ്‍സ്യൂമര്‍ പ്രൊഡക്ട്‌സ്ഓഹരി 3 ശതമാനത്തോളം ഉയര്‍ന്ന് 792.75 രൂപയില്‍ ക്ലോസ് ചെയ്തു.

ചര്‍ച്ച ഫലപ്രാപ്തിയിലെത്തുകയാണെങ്കില്‍ ടാറ്റയുടെ സമ്പന്നമായ കുടിവെള്ള ശ്രേണിയിലേയ്ക്ക് ബിസ്ലേരിയും ചേര്‍ക്കപ്പെടും. ഹിമാലയനും ടാറ്റ കോപ്പര്‍ പ്ലസ് വാട്ടറും നിലവില്‍ കമ്പനി വില്‍പന നടത്തുന്ന പ്രീമിയം ബ്രാന്‍ഡുകളാണ്. മാത്രമല്ല ടാറ്റ ഗ്ലൂക്കോ പ്ലസ്, ഫ്രക്ടിസ് എന്നിവയും ടിസിപിഎല്ലിന്റേതാണ്.

മാത്രമല്ല, ബിസ്ലേരിയുടെ ശക്തമായ വിതരണ ശൃംഖല കമ്പനിയ്ക്ക് മുതല്‍ക്കൂട്ടാകും. 4500 വിതരണക്കാരും 5000 വിതരണ ട്രക്കുമാണ് ഇന്ത്യയിലും അയല്‍ രാജ്യങ്ങളിലുമായി ബിസ്ലേരിയ്ക്കുള്ളത്. 2500 കോടി രൂപയാണ് വാര്‍ഷിക ടേണ്‍ഓവര്‍.

ലാഭം 200 കോടി രൂപ. റിപ്പോര്‍ട്ടുകള്‍ പ്രകാരം 6000-7000 കോടി രൂപയുടെ ഓഹരികളായിരിക്കും ടാറ്റ ഏറ്റെടുക്കുക.

X
Top