ബെംഗളൂരു: ആഗസ്റ്റില് ഇന്ത്യയിലെ വാഹന വില്പ്പനയില് കഴിഞ്ഞ വര്ഷത്തെ അപേക്ഷിച്ച് 2.84% എന്ന നേരിയ വളര്ച്ച രേഖപ്പെടുത്തി. മൊത്തം വാഹന റീട്ടെയില് വില്പ്പനയില് പ്രതിമാസം 0.02% വര്ധനയുണ്ടായി.
ഫെഡറേഷന് ഓഫ് ഓട്ടോമൊബൈല് ഡീലേഴ്സ് അസോസിയേഷന്സ് (ഫാഡ) കണക്കുപ്രകാരം, പാസഞ്ചര് വാഹന വില്പ്പനയില് കഴിഞ്ഞ വര്ഷത്തെ അപേക്ഷിച്ച് 0.93% നേരിയ വര്ധനവ് രേഖപ്പെടുത്തി. 3,23,256 യൂണിറ്റുകള് വിറ്റഴിച്ചു.
ഇരുചക്ര വാഹന വില്പ്പനയിലും കഴിഞ്ഞ വര്ഷത്തെ അപേക്ഷിച്ച് 2.18% വര്ധനവ് രേഖപ്പെടുത്തി, 13,73,675 യൂണിറ്റുകള് വിറ്റഴിച്ചു.
ഇരുചക്ര വാഹനങ്ങള്, പാസഞ്ചര് വാഹനങ്ങള്, വാണിജ്യ വാഹനങ്ങള് എന്നിവയിലെ പ്രകടനത്തിലെ വര്ധനവാണ് വളര്ച്ചയ്ക്ക് കാരണമായത്. അതേസമയം ട്രാക്ടറുകള് 30.14% വാര്ഷിക വളര്ച്ച രേഖപ്പെടുത്തി.
എന്നിരുന്നാലും, ജിഎസ്ടി കുറയ്ക്കലുമായി ബന്ധപ്പെട്ട ഊഹാപോഹങ്ങള് വിപണി വികാരത്തെ സ്വാധീനിച്ചു. ഇത് വാങ്ങലുകള് മാറ്റിവയ്ക്കുന്നതിലേക്ക് നയിച്ചു. സെപ്റ്റംബര് രണ്ട് ഘട്ടങ്ങളുള്ള മാസമായിരിക്കുമെന്ന് ഫാഡ പ്രതീക്ഷിക്കുന്നു. അത് ജിഎസ്ടി പരിഷ്കാരത്തിന് മുമ്പും ശേഷവുമായിരിക്കും.
എന്നാല് നത്ത മഴയും പുതിയ ജിഎസ്ടി ചട്ടക്കൂടിനെ ചുറ്റിപ്പറ്റിയുള്ള അനിശ്ചിതത്വവും യഥാര്ത്ഥ വില്പ്പനയെ ബാധിച്ചു. കാരണം വിലക്കുറവ് പ്രതീക്ഷിച്ച് വാങ്ങുന്നവര് വാങ്ങലുകള് മാറ്റിവച്ചു.
