റിയാദ്: രാജ്യാന്തര വിപണിയിൽ ക്രൂഡ് ഓയിൽ വിലയിടിവ് തടയുന്നതിന്റെ ഭാഗമായി ഒപെക് പ്ലസ് തീരുമാനം അനുസരിച്ചു സൗദി അറേബ്യ പ്രതിദിന എണ്ണ ഉൽപാദനം 5.73 ലക്ഷം ബാരൽ കുറയ്ക്കുന്നു.
ഈ മാസം മുതൽ പ്രതിദിന ഉൽപാദനം 20 ലക്ഷം ബാരൽ കുറയ്ക്കുമെന്ന് എണ്ണ ഉൽപാദക, കയറ്റുമതി രാജ്യങ്ങളുടെ സംഘടനയായ ഒപെക് പ്ലസ് കഴിഞ്ഞ മാസം പ്രഖ്യാപിച്ചിരുന്നു. കോവിഡ് വ്യാപനത്തിനുശേഷം ആദ്യമായാണ് ഉൽപാദനം ഇത്രയധികം കുറയ്ക്കുന്നത്.
ഏഷ്യയിലേക്കുള്ള എണ്ണ വിതരണത്തിൽ ഈ മാസം കുറവു വരുത്തില്ലെന്നു സൗദി വ്യക്തമാക്കയിട്ടുണ്ട്.
