ന്യൂഡല്ഹി: ബോണസ് ഓഹരി വിതരണത്തിനുള്ള റെക്കോര്ഡ് തീയതിയായി ഒക്ടോബര് 5 നിശ്ചയിച്ചിരിക്കയാണ് സാംവര്ധന മതര്സണ് (നേരത്തെ മതര്സണ് സുമി). 1:2 അനുപാതത്തിലാണ് കമ്പനി ബോണസ് ഓഹരികള് വിതരണം ചെയ്യുക. 2 ഓഹരികള് കൈവശം വച്ചിരിക്കുന്നവര്ക്ക് ഒരു ഓഹരി ബോണസായി ലഭിക്കും.
ഓഹരി ഉടമകളുടെ അനുമതിയോടെ ഒക്ടോബര് 15 ന് മുന്പ് ബോണസ് ഓഹരി വിതരണം പൂര്ത്തിയാക്കുമെന്ന് കമ്പനി എക്സ്ചേഞ്ച് ഫയലിംഗില് പറഞ്ഞു. അതോടെ അടച്ചുതീര്ത്ത മൂലധനം 677.64 കോടി രൂപയാക്കാന് സാധിക്കും. വെള്ളിയാഴ്ച 118.30 രൂപയിലാണ് ഓഹരി ക്ലോസ് ചെയ്തത്.
23 വര്ഷത്തില് 8,483.33% ഉയര്ന്ന മള്ട്ടിബാഗര് ഓഹരിയാണ് സാംവര്ധന മതര്സണിന്റേത്. 0.12 രൂപയില് നിന്നായിരുന്നു കുതിപ്പ്. എന്നാല് അഞ്ച് വര്ഷത്തില് 47.25 ശതമാനവും ഒരു വര്ഷത്തില് 47.35 ശതമാനവും താഴ്ച്ച വരിച്ചു. 2022 ല് മാത്രം 47.39 ശതമാനമാണ് ഇടിവ്.
53,374.60 കോടി വിപണി മൂല്യമുള്ള സംവര്ദ്ധന മദര്സണ് ഇന്റര്നാഷണല് ലിമിറ്റഡ് ഉപഭോക്തൃ വിവേചനാധികാര ചരക്ക് സേവന (സിഡിജിഎസ്) വ്യവസായത്തില് പ്രവര്ത്തിക്കുന്ന ലാര്ജ് ക്യാപ്പ് കമ്പനിയാണ്. ലോകത്തിലെ ഏറ്റവും വലിയ ഓട്ടോമോട്ടീവ് ഘടകങ്ങളുടെ നിര്മ്മാതാക്കളില് ഒന്നാണ് കമ്പനി.
ട്രെന്ഡ്ലൈന് ഡാറ്റ പ്രകാരം 22 അനലിസ്റ്റുകള് ഓഹരിയ്ക്ക് വാങ്ങല് റേറ്റിംഗ് നല്കിയിട്ടുണ്ട്.
