Alt Image
പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆ യുപിഐ എംഡിആർ നിരക്കുകൾ വീണ്ടും വൈകിയേക്കും; നടപ്പിലാക്കുന്ന തീയതിയിൽ സമവായത്തിലെത്താതെ സർക്കാറും ആർബിഐയും ◆ വായ്പാ തട്ടിപ്പ് കേസ്: ചന്ദ കൊച്ചാറിനെ പ്രോസിക്യൂട്ട് ചെയ്യാനുള്ള അനുമതി ബോംബെ ഹൈക്കോടതി റദ്ദാക്കി ◆ അരിയുടെയും മറ്റ് ഭക്ഷ്യധാന്യങ്ങളുടെയും വില നിയന്ത്രിക്കും; സ്ഥിരം വിലസ്ഥിരതാ പദ്ധതിയുമായി കേരള സര്‍ക്കാര്‍ ◆ കേരളത്തിൽ ഭക്ഷ്യവിലക്കയറ്റം ദേശീയ ശരാശരിക്കും മുകളിൽ ◆

ഇന്ത്യയുടെ നാലാമത്തെ വലിയ വ്യാപാര പങ്കാളിയായി റഷ്യ

ന്യൂഡല്‍ഹി: 2022 ഏപ്രില്‍-ഡിസംബര്‍ കാലയളവില്‍ റഷ്യയില്‍ നിന്നുള്ള ഇറക്കുമതി അഞ്ച് മടങ്ങ് ഉയര്‍ന്ന് 32.9 ബില്യണ്‍ ഡോളറിലെത്തി. ഇതോടെ ഇന്ത്യയുടെ നാലാമത്തെ വലിയ വ്യാപാര പങ്കാളിയായി റഷ്യ മാറി. നിലവിലെ വേഗം തുടരുകയാണെങ്കില്‍, ഇറക്കുമതി ഉടന്‍ 50 ബില്യണ്‍ ഡോളറിലെത്തും.

ക്രൂഡ് പെട്രോളിയത്തിലുണ്ടാകുന്ന വര്‍ധനവാണ് റഷ്യയില്‍ നിന്നുള്ള മൊത്തം ഇറക്കുമതി വര്‍ധിപ്പിക്കുന്നത്. യൂറോപ്യന്‍ യൂണിയന്‍ വില പരിധി ഏര്‍പ്പെടുത്തിയതോടെ റഷ്യന്‍ ക്രൂഡ് ഓയില്‍ വന്‍ വിലകുറവില്‍ ലഭ്യമാണ്. അതുകൊണ്ടുതന്നെ എണ്ണ ഇറക്കുമതി ഇന്ത്യ ഉയര്‍ത്തി.

പ്രതിദിനം 1 മില്യണ്‍ റഷ്യന്‍ ക്രൂഡോയിലാണ് നിലവില്‍ രാജ്യം വാങ്ങുന്നത്. രാസവളങ്ങളാണ് റഷ്യയില്‍ നിന്നും ലഭ്യമാകുന്ന മറ്റൊരു പ്രധാന ഉത്പന്നം. യു.എസ്,യുഎഇ എന്നിവിടങ്ങളില്‍ നിന്നുള്ള ഇറക്കുമതിയും ഏപ്രില്‍-ഡിസംബര്‍ കാലയളവില്‍ ആനുപാതികമായി വര്‍ധിച്ചിട്ടുണ്ട്.

ഇരു രാജ്യങ്ങളും കയറ്റുമതി 25 ശതമാനം വീതം കൂട്ടി. നിലവില്‍ ഇന്ത്യയുടെ മൂന്നാമത്ത വലിയ വ്യാപാര പങ്കാളിയാണ് യു.എസ്.

X
Top